1. जो कोणी आपणास वेगळा करतो तो स्वतःची इच्छा पूर्ण करायला पाहतो; [QBR] आणि तो सर्व स्वस्थ सुज्ञतेविरूद्ध लढतो. [QBR]
2. मूर्खाला समंजसपणात आनंद मिळत नाही, [QBR] पण केवळ आपल्या मनात काय आहे हे प्रगट करण्यात त्यास आनंद आहे. [QBR]
3. जेव्हा वाईट मनुष्य येतो, त्याच्याबरोबर तिरस्कार येतो, [QBR] निर्भत्सना आणि लाज त्यासह येतात. [QBR]
4. मनुष्याच्या मुखाचे शब्द खोल पाण्यासारखे आहेत; [QBR] ज्ञानाचा झरा वाहणाऱ्या प्रवाहासारखे आहेत. [QBR]
5. जे कोणी चांगले करतात त्यांचा न्याय विपरित करण्यासाठी, [QBR] दुष्टाचा पक्ष धरणे चांगले नाही. [QBR]
6. मूर्खाचे ओठ त्यास भांडणात पाडतात, [QBR] आणि त्याचे मुख मारास आमंत्रण देते. [QBR]
7. मूर्खाचा नाश त्याच्या तोंडामुळे होतो, [QBR] आणि त्याचे ओठ त्यास स्वतःला पाश होतात. [QBR]
8. गप्पागोष्टी करणाऱ्याचे शब्द स्वादिष्ट पक्वान्नासारखे आहेत, [QBR] आणि ते अगदी खोल पोटात शिरतात. [QBR]
9. जो कोणी आपल्या कामात निष्काळजी आहे [QBR] तो नाश करणाऱ्याचा भाऊ आहे. [QBR]
10. परमेश्वराचे नाव बळकट बुरुजाप्रमाणे आहे; [QBR] नीतिमान त्यामध्ये धावत जातो आणि सुरक्षित राहतो. [QBR]
11. श्रीमंताची संपत्ती त्याचे बळकट नगर आहे; [QBR] आणि त्याच्या कल्पनेने तो उंच भींतीसारखा आहे. [QBR]
12. मनुष्याच्या नाशापूर्वी त्याचे अंतःकरण गर्विष्ठ असते, [QBR] पण गौरवापूर्वी विनम्रता येते. [QBR]
13. जो कोणी ऐकण्यापूर्वी उत्तर देतो, [QBR] त्याचे ते करणे मूर्खपणाचे आणि लज्जास्पद असते. [QBR]
14. आजारपणात मनुष्याचा आत्मा जिवंत राहतो, [QBR] पण तुटलेला आत्मा कोणाच्याने सोसवेल? [QBR]
15. सुज्ञाचे मन ज्ञान प्राप्त करून घेते, [QBR] आणि शहाणा ऐकून ते शोधून काढतो. [QBR]
16. मनुष्याचे दान त्याच्यासाठी मार्ग उघडते, [QBR] आणि महत्वाच्या मनुष्यांसमोर त्यास आणते. [QBR]
17. जो सुरुवातीला आपली बाजू मांडतो तो बरोबर आहे असे वाटते, [QBR] पण त्याचा प्रतिस्पर्धी येऊन त्यास प्रश्र विचारतो. [QBR]
18. चिठ्ठ्या टाकल्याने भांडणे मिटतात, [QBR] आणि बलवान प्रतिस्पर्धी वेगळे होतात. [QBR]
19. दुखवलेल्या भावाची समजूत घालणे हे बळकट तटबंदी असलेले शहर जिंकण्यापेक्षा कठीण आहे. [QBR] आणि भांडणे राजवाड्याच्या अडसरासारखे आहेत. [QBR]
20. मनुष्याचे पोट त्याच्या मुखाच्या फळाने भरेल, [QBR] तो आपल्या ओठांच्या पीकाने तृप्त होईल. [QBR]
21. जीवन किंवा मरण ही जीभेच्या अधिकारात आहेत; [QBR] आणि ज्या कोणाला ती प्रिय आहे तो तिचे फळ खातो. [QBR]
22. ज्या कोणाला पत्नी मिळते त्यास चांगली वस्तू मिळते, [QBR] आणि त्यास परमेश्वराचा अनुग्रह प्राप्त होतो. [QBR]
23. गरीब मनुष्य दयेची विनवणी करतो, [QBR] पण श्रीमंत मनुष्य कठोरपणाने उत्तर देतो. [QBR]
24. जो कोणी पुष्कळ मित्र करतो तो आपल्याच नाशासाठी ते करतो, [QBR] परंतु एखादा असा मित्र असतो की तो आपल्या भावापेक्षाही आपणांस धरून राहतो. [PE]