1. [QS]दुर्जनांचा मत्सर करू नकोस, [QE][QS]आणखी त्यांच्याबरोबर मैत्रीची इच्छा धरू नकोस. [QE]
2. [QS]कारण त्यांचे मन हिंसामय कृतीची योजना आखते, [QE][QS]आणि त्यांचे ओठ क्लेश देण्याच्या गोष्टी बोलतात. [QE]
3. [QS]सुज्ञानाच्या योगे घर बांधता येते; [QE][QS]आणि समजूतदारपणाने ते स्थिर राहते. [QE]
4. [QS]ज्ञानाच्या योगे त्याच्या सर्व खोल्या [QE][QS]मौल्यवान आणि प्रसन्न करणाऱ्या संपत्तीने भरल्या जातात. [QE]
5. [QS]शूर मनुष्य बलवान असतो, [QE][QS]परंतु जो कोणी बलवान आहे त्यापेक्षा ज्ञानी मनुष्य उत्तम आहे. [QE]
6. [QS]कारण शहाणपणाचे मार्गदर्शन घेऊन तू युध्द चालू करू शकतो; [QE][QS]आणि पुष्कळ सल्लागारबरोबर असल्याने विजय मिळतो. [QE]
7. [QS]मूर्खासाठी ज्ञान अति उंच आहे; [QE][QS]वेशीत तो आपले तोंड उघडतो. [QE]
8. [QS]जो कोणी तेथे दुष्कर्म करण्याचे योजितो, [QE][QS]लोक त्यास योजनेचा गुरू म्हणतात. [QE]
9. [QS]मूर्खाची योजना पाप असते, [QE][QS]निंदकाचा मनुष्यांना तिटकारा येतो. [QE]
10. [QS]जर तुम्ही संकटाच्या दिवशी तुमचा भित्रेपणा दाखवला तर, [QE][QS]मग तुझी शक्ती थोडीच आहे. [QE]
11. [QS]ज्या कोणाला ठार मारण्यासाठी दूर घेऊन जात असतील तर त्यांना वाचव, [QE][QS]ज्यांच्या वधाची तयारी झाली आहे त्यांचा बचाव करण्याचा होईल तितका प्रयत्न कर. [QE]
12. [QS]जर तू म्हणशील, “तेथे! आम्हांस ह्याबद्दल काहीच माहित नव्हते.” [QE][QS]तर तू काय म्हणतो हे जो कोणी हृदये तोलून पाहतो त्यास हे समजणार नाही का? [QE][QS]आणि जो कोणी तुझ्या जिवाचे रक्षण करतो त्यास माहित नाही का? [QE][QS]आणि देव प्रत्येकाला ज्याच्या त्याच्या कृतीप्रमाणे प्रतिफळ देत नाही कां? [QE]
13. [QS]माझ्या मुला, मध खा, कारण तो चांगला आहे, [QE][QS]कारण मधाच्या पोळ्यातून टिपकणारा मध तुझ्या जिभेला गोड आहे. [QE]
14. [QS]त्याचप्रमाणे ज्ञान तुझ्या जिवासाठी आहे; [QE][QS]जर तुला ते प्राप्त झाले, तर तेथे भविष्य आहे, [QE][QS]आणि तुझी आशा कधीही तोडली जाणार नाही. [QE]
15. [QS]अरे दुष्टा, नीतिमानाच्या [QE][QS]घरावर हल्ला करण्यासाठी टपून बसू नकोस. [QE][QS]त्याच्या घराचा नाश करू नको! [QE]
16. [QS]कारण जर कोणी मनुष्य चांगले करतो तो सात वेळा पडला तरी, [QE][QS]तो पुन्हा उठतो, [QE][QS]पण दुर्जनांचा संकटात विध्वंस होईल. [QE]
17. [QS]तुझा शत्रू पडला असता उत्सव करू नकोस, [QE][QS]आणि जेव्हा तो अडखळतो तेव्हा तुझे मन आनंदीत होऊ देऊ नको. [QE]
18. [QS]उल्लासले तर परमेश्वर ते बघेल आणि त्यास ते आवडणार नाही [QE][QS]आणि तो आपला क्रोध त्याच्यापासून फिरवेल. [QE]
19. [QS]जो कोणी वाईट गोष्टी करतो त्याची काळजी करू नको, [QE][QS]आणि दुष्टांचा मत्सर करू नको. [QE]
20. [QS]कारण दुष्कर्म्याला चांगले प्रतिफळ मिळणार नाही [QE][QS]दुष्टांचा दिप मालवला जाईल. [QE]
21. [QS]माझ्या मुला, परमेश्वराचे आणि राजाचे भय बाळग. [QE][QS]जे त्यांच्या विरुध्द बंड करीत आहेत त्यामध्ये सामील होऊ नकोस. [QE]
22. [QS]कारण त्यांच्यावर अचानक विपत्ती येईल, [QE][QS]आणि त्यांच्या वर्षाचा नाश त्या दोघांकडून केव्हा होईल कोण जाणे? [QE]
23. [PS]हेही शहाण्या मनुष्याचे शब्द आहेत. [PE][QS]न्यायात पक्षपात करणे चांगले नाही. [QE]
24. [QS]जो कोणी अपराधी मनुष्यास म्हणेल, तू योग्य आहेस; [QE][QS]तर लोक शाप देतील आणि राष्ट्रे त्यांचा द्वेष करतील. [QE]
25. [QS]पण जो कोणी दुर्जनाचा निषेध करतो त्यास आनंद होईल, [QE][QS]आणि त्यांच्यावर उत्तम आशीर्वाद येईल. [QE]
26. [QS]जो कोणी प्रामाणिकपणे उत्तर देतो [QE][QS]तो ओठांचे चुंबन देतो. [QE]
27. [QS]तू आपले बाहेरचे काम आधी कर, [QE][QS]आणि शेतात प्रत्येक गोष्ट स्वतःसाठी सज्ज कर, [QE][QS]आणि मग आपले घर बांध. [QE]
28. [QS]निष्कारण आपल्या शेजाऱ्याविरूद्ध साक्ष देऊ नको, [QE][QS]आणि आपल्या वाणीने फसवू नको. [QE]
29. [QS]“त्याने जसे मला केले तसे मी त्यास करीन. [QE][QS]मी त्यास त्याच्या करण्याप्रमाणे भरून देईन.” असे म्हणू नको. [QE]
30. [QS]मी आळशी मनुष्याच्या शेताजवळून, [QE][QS]मी बुद्धिहीन मनुष्याच्या द्राक्षाच्या मळ्याजवळून जात होतो. [QE]
31. [QS]तेव्हा त्या सर्वांवर काटेरी झाडे वाढली होती, [QE][QS]त्याची जमीन खाजकुइरीने झाकली होती, [QE][QS]आणि त्याची दगडी भिंत मोडून पडली होती. [QE]
32. [QS]मी ते बघितले आणि त्याचा विचार करू लागलो. [QE][QS]व नंतर त्या गोष्टींपासून मी धडा शिकलो. [QE]
33. [QS]“थोडीशी झोप घेतो, थोड्याशा डुलक्या घेतो, [QE][QS]थोडीशी विश्रांती घ्यायला हात पोटाशी धरतो.” [QE]
34. [QS]आणि दारिद्र्य लुटारूसारखे, [QE][QS]आणि तुझी गरज तुझ्यावर हत्यारबंद सैन्यासारखी येईल. [QE]