1. जर एखाद्या मनुष्यावर खूप दोष असूनही, जो आपली मान ताठ करतो, [QBR] तो अचानक तुटतो आणि त्यावर काही उपाय चालत नाही. [QBR]
2. जेव्हा नीतिमानाची वाढ होते, लोक आनंदित होतात, [QBR] पण जेव्हा दुर्जन अधिकार चालवतात तेव्हा लोक शोक करतात. [QBR]
3. ज्या कोणाला ज्ञानाची आवड आहे तो आपल्या पित्याला आनंदित करतो, [QBR] पण जो कोणी वेश्येशी सोबत करतो तर तो आपल्या संपत्तीचा नाश करतो. [QBR]
4. राजा न्यायाने देश दृढ करतो, [QBR] पण जो कोणी लाचेची मागणी करतो तो त्याचे वाटोळे करतो. [QBR]
5. जो कोणी मनुष्य आपल्या शेजाऱ्याची फाजील स्तुती करतो, [QBR] तो त्याच्या पावलासाठी जाळे पसरतो. [QBR]
6. दुष्ट मनुष्य आपल्या स्वतःच्या पापाने पाशात पडतो, [QBR] पण नीतिमान गाणे गाऊन आनंदित होतो. [QBR]
7. नीतिमान गरिबांच्या वादासाठी विनंती करतो; [QBR] दुर्जनाला तो समजण्याची बुद्धी नसते. [QBR]
8. थट्टा करणारे शहराला पेटवतात; [QBR] पण सुज्ञजन क्रोधापासून दूर निघून जातात. [QBR]
9. जर सुज्ञ मनुष्याचा मूर्खाशी वाद असला तर, [QBR] मुर्ख रागावला किंवा हसला तरी काही स्वस्थता नसते. [QBR]
10. रक्तपिपासू सात्विकाचा द्वेष करतात, [QBR] आणि सरळ मनुष्यास ठार मारण्यासाठी ते त्याचा शोध घेतात. [QBR]
11. मूर्ख आपल्या मनातील सारा राग प्रगट करतो, [QBR] पण शहाणा मनुष्य तो आवरून धरतो आणि शांत राहतो. [QBR]
12. जर अधिकाऱ्याने खोट्या गोष्टींकडे लक्ष दिले, [QBR] तर त्याचे सगळे अधिकारी वाईट होतात. [QBR]
13. गरीब मनुष्य आणि जुलूम करणारा या दोघांमध्ये एक गोष्ट समान आहे; [QBR] परमेश्वर दोघांच्याही डोळ्यांना दृष्टी देतो. [QBR]
14. जर राजाने गरीबांचा न्याय सत्याने केला, [QBR] तर त्याचे राजासन सर्वकाळ स्थापित होईल. [QBR]
15. छडी आणि सुबोध ज्ञान देतात, [QBR] पण मोकळे सोडलेले मूल आपल्या आईला लाज आणते. [QBR]
16. जेव्हा दुष्ट वाढतात, तेव्हा अपराध वाढतात; [QBR] पण धार्मिकांना त्यांचे वतन पाहावयास मिळते. [QBR]
17. आपल्या मुलाला शिस्त लाव आणि तो तुला विसावा देईल [QBR] आणि तो तुझा जीव आनंदित करील. [QBR]
18. जेथे कोठे भविष्यसूचक दृष्टांत न झाल्यास लोक अनावर होतात, [QBR] पण जो कोणी नियम पाळतो तो सुखी होतो. [QBR]
19. दास शब्दाने सुधारत नाही, [QBR] कारण जरी त्यास समजले तरी तो प्रतिसाद देणार नाही. [QBR]
20. कोणी आपल्या बोलण्यात उतावळा आहे अशा मनुष्यास पाहतोस काय? [QBR] तर त्याच्यापेक्षा मूर्खाविषयी अधिक आशा आहे. [QBR]
21. जर कोणी आपल्या दासास बालपणापासून लाडाने वाढवले [QBR] तर त्याच्या शेवटी तो त्रासदायकच होईल. [QBR]
22. रागावलेला मनुष्य संकटे आणतो; [QBR] आणि क्रोधी मनुष्याकडून पुष्कळ अपराध घडतात. [QBR]
23. गर्व मनुष्यास खाली आणतो, [QBR] पण जो कोणी विनम्र आत्म्याचा असतो त्याचा आदर होतो. [QBR]
24. जो कोणी चोराचा भागीदार होतो, तो स्वतःचाच शत्रू आहे; [QBR] ते शपथेखाली ठेवले जातात आणि ते काहीच बोलू शकत नाही. [QBR]
25. मनुष्याची भीती पाशरूप होते, [QBR] पण जो कोणी परमेश्वरावर विश्वास ठेवतो तो सुरक्षित राहतो. [QBR]
26. पुष्कळजन अधिपतीची मर्जी संपादण्याचा शोध करतात, [QBR] पण परमेश्वरच लोकांचा न्याय करतो. [QBR]
27. अप्रामाणीक मनुष्याचा धार्मिकाला वीट येतो; [QBR] आणि सरळमार्गी मनुष्याचा दुष्टाला वीट येतो. [PE]