1. {आगूराचे स्वानुभवाचे बोल} [PS] याकेचा मुलगा आगूर याची वचने म्हणजे देववाणी आहेत. [QBR] त्या पुरुषाने इथीएलाला [* मी थकलो आहे, ] , इथीएलाने उकालाला [† मी खूप थकलो आहे] सांगितले, [QBR]
2. खचित मी खूप क्रूर आहे मनुष्य नाही; [QBR] मला मानवजातीप्रमाणे समजदार बुद्धी नाही. [QBR]
3. मी ज्ञान शिकलो नाही, [QBR] आणि जो पवित्र त्याचे ज्ञान मला नाही. [QBR]
4. आकाशापर्यंत चढून कोण गेला आहे आणि खाली उतरला आहे? [QBR] कोणी वाऱ्याला आपल्या ओंजळीत एकवटून घेतला आहे? [QBR] कोणी आपल्या कपड्यात जलाशय बांधून ठेवला आहे? [QBR] पृथ्वीच्या सर्व सीमा कोणी स्थापिल्या आहेत? [QBR] त्याचे नाव काय किंवा त्याच्या मुलाचे नाव काय? [QBR] खात्रीने ते तुला माहित आहे काय? [QBR]
5. देवाचा प्रत्येक शब्द पारखलेला आहे, [QBR] जे त्याच्या आश्रयास येतात त्यांची तो ढाल आहे. [QBR]
6. त्याच्या वचनात काही भर घालू नको, [QBR] घालशील तर तो तुझा दोष उघड करील आणि तू लबाड ठरशील. [QBR]
7. मी तुझ्याजवळ दोन गोष्टी मागतो, [QBR] मी मरण्यापूर्वी त्या मला देण्याचे नाकारू नको. [QBR]
8. पोकळ गर्व आणि लबाड्या माझ्यापासून दूर कर; [QBR] मला खूप श्रीमंत किंवा खूप गरीब करू नकोस. [QBR] मला आवश्यक तेवढेच अन्न दे. [QBR]
9. माझी जर अतीतृप्ती झाली तर मी तुला नाकारीन आणि परमेश्वर कोण आहे? असे म्हणेन; [QBR] मी जर दरिद्री राहिलो तर मी कदाचित् चोरी करेन. [QBR] आणि माझ्या देवाच्या नामाची निंदा करेन. [QBR]
10. सेवकाची निंदानालस्ती त्याच्या धन्याजवळ करू नको, [QBR] करशील तर तो तुला शिव्याशाप देईल आणि तू अपराधी ठरशील. [QBR]
11. आपल्या पित्याला शाप देणारा, [QBR] आणि आपल्या आईला आशीर्वाद देत नाही अशी एक पिढी आहे, [QBR]
12. त्यांच्या दृष्टीने आपणाला शुद्ध समजणारी, [QBR] पण त्यांनी स्वतःची घाण धुतलेली नाही अशी एक पिढी आहे. [QBR]
13. ज्यांचे डोळे कितीतरी गर्विष्ठ आहेत, [QBR] आणि ज्यांच्या पापण्या वर चढलेल्या आहेत अशी एक पिढी आहे. [QBR]
14. गरीबांना पृथ्वीतून व गरजवंताना मनुष्यामधून खाऊन टाकायला, [QBR] जिचे दात तलवारीसारखे व जिच्या दाढा सुऱ्यांसारख्या आहेत अशी एक पिढी आहे. [QBR]
15. जळवेच्या दोन मुली आहेत, त्या दे, व दे अशा ओरडतात. [QBR] तीन गोष्टी कधीही समाधानी नसतात, [QBR] चार गोष्टी, कधीही पुरे म्हणत नाही. [QBR]
16. मृत्यूची जागा, वांझ उदर, [QBR] पाण्याने तहानलेली पृथ्वी [QBR] आणि जो अग्नी पुरे कधी म्हणत नाही. [QBR]
17. जो डोळा पित्याची चेष्टा करतो, [QBR] किंवा त्याच्या आईची आज्ञा पाळणे तुच्छ मानतो, [QBR] त्यांचे डोळे खोऱ्यातले डोमकावळे टोचून बाहेर काढतील [QBR] आणि त्यास गिधडाची पिल्ले खाऊन टाकतील. [QBR]
18. मला तीन गोष्टी फार आश्चर्याच्या वाटतात, [QBR] चार गोष्टी, ज्या मी समजू शकत नाही. [QBR]
19. आकाशात उडणाऱ्या गरुडाचा मार्ग; [QBR] दगडावर चालणाऱ्या सापाचा मार्ग, [QBR] समुद्राच्या हृदयात जाणाऱ्या जहाजाचा मार्ग, [QBR] आणि तरुण स्त्रीबरोबर पुरुषाच्या संबंधाचा मार्ग, [QBR]
20. हा व्यभिचारी स्त्रिचा मार्ग असा आहे; ती खाऊन तोंड पुसते, [QBR] आणि म्हणते मी काही चुकीचे केले नाही. [QBR]
21. तीन गोष्टीने पृथ्वी कांपते, [QBR] आणि चार गोष्टी तिला सहन होत नाहीत. [QBR]
22. जेव्हा दास राजा होतो, [QBR] अन्नाने तुडुंब पोट भरलेला मूर्ख; [QBR]
23. विवाह झालेली त्रासदायक स्त्री; मालकिणीची वारस झालेली दासी. [QBR]
24. पृथ्वीवरच्या चार गोष्टी अगदी लहान आहेत; [QBR] पण त्या अतिशय शहाणपणाच्या आहेत. [QBR]
25. मुंग्या अगदी लहान आणि दुर्बल असतात, [QBR] पण तरीही त्या उन्हाळ्यात आपले अन्न साठवतात. [QBR]
26. ससे हे सशक्त प्राणी नाहीत, [QBR] पण ते खडकात आपले घर करतात. [QBR]
27. टोळांना राजा नसतो, [QBR] पण तरीही ते सर्व टोळीटोळीने बाहेर जातात. [QBR]
28. पाल आपण हातानी पकडू शकतो, [QBR] तरी ती राजाच्या महालात सापडते. [QBR]
29. जे आपल्या चालण्यात डौलदार असतात असे तीन प्राणी आहेत, [QBR] चौघांची आपली चालण्याची ढब सुरेख आहे, [QBR]
30. सिंह सर्व प्राण्यात सगळ्यात बलवान आहे [QBR] तो कोणापासूनही मागे फिरत नाही. [QBR]
31. गर्वाने चालणारा कोंबडा [‡ युद्धाचा घोडा] , बोकड; [QBR] आणि ज्याचे सैन्य त्याच्याजवळ आहे असा राजा. [QBR]
32. जर तू गर्वाने ताठ होण्याचे मूर्खत्व केले [QBR] किंवा दुष्टता योजिली तर आपला हात आपल्या मुखावर ठेव. [QBR]
33. कारण जसे दूध घुसळण्याने लोणी निघते, [QBR] आणि नाक पिळण्याने रक्त निघते, [QBR] तसे राग चेतवल्याने भांडणे निर्माण होतात. [PE]