1. {#1ज्ञानामुळे प्राप्त होणारे फायदे } [QS]मुलांनो, वडिलांचे शिक्षण ऐका, [QE][QS]आणि सुज्ञान समजण्यासाठी त्याकडे लक्ष द्या. [QE]
2. [QS]मी तुम्हास चांगला सल्ला देतो; [QE][QS]माझी शिकवण कधीही विसरु नका. [QE]
3. [QS]जेव्हा मी माझ्या वडिलाचा मुलगा होतो, [QE][QS]माझ्या आईच्या दृष्टीने सुकुमार व एकुलता एक होतो, [QE]
4. [QS]त्यांनी मला शिकवले आणि मला म्हणाले, [QE][QS]“तुझे मन माझी वचने घट्ट धरून ठेवो; [QE][QS]माझ्या आज्ञा पाळ आणि जिवंत राहा. [QE]
5. [QS]ज्ञान आणि सुज्ञता संपादन कर; [QE][QS]माझे शब्द विसरु नकोस आणि माझ्या मुखातले शब्द नाकारू नकोस; [QE]
6. [QS]ज्ञानाचा त्याग करू नकोस ते तुझे राखण करील; [QE][QS]त्याच्यावर प्रीती कर आणि ते तुझे रक्षण करील. [QE]
7. [QS]ज्ञान हे सर्वात महत्वाची गोष्ट आहे म्हणून ज्ञान संपादन कर, [QE][QS]आणि आपले सर्वस्व खर्चून सुज्ञता मिळव. [QE]
8. [QS]ज्ञान हृदयात जतन करून ठेव आणि ते तुला उंचावेल, [QE][QS]जेव्हा तू त्यास आलिंगन देशील तर ते तुझा सन्मान करील. [QE]
9. [QS]ते तुझ्या शिरावर सन्मानाचे वेष्टन देईल; [QE][QS]ते तुला सुंदर मुकुट देईल.” [QE]
10. [QS]माझ्या मुला, ऐक आणि माझ्या वचनाकडे लक्ष दे, [QE][QS]आणि तुझ्या आयुष्याची वर्षे पुष्कळ होतील. [QE]
11. [QS]मी तुला ज्ञानाचा मार्ग दाखविला आहे; [QE][QS]मी तुला सरळ मार्गाने घेऊन जात आहे. [QE]
12. [QS]जेव्हा तू चालशील, तेव्हा तुझ्या मार्गात कोणीही उभा राहणार नाही. [QE][QS]आणि जर तू धावशील, तर तू अडखळणार नाहीस. [QE]
13. [QS]शिस्त घट्ट धरून ठेव, ती सोडून देऊ नको; [QE][QS]ते सांभाळून ठेव, कारण ते तुझे जीवन आहे. [QE]
14. [QS]दुष्टांचे मार्ग आचरणात आणू नको, [QE][QS]आणि जे वाईट करतात त्यांच्या मार्गाने चालू नको. [QE]
15. [QS]ते टाळ, त्याजवळ जाऊ नकोस; [QE][QS]त्यापासून मागे फीर आणि दुसऱ्या मार्गाने जा. [QE]
16. [QS]कारण त्यांनी वाईट केल्याशिवाय त्यांना चैन पडत नाही [QE][QS]आणि कोणाला अडखळून पाडल्याशिवाय त्यांना झोप लागत नाही. [QE]
17. [QS]कारण ते दुष्टाईने मिळवलेली भाकर खातात [QE][QS]आणि हिंसेचे मद्य पितात. [QE]
18. [QS]परंतु योग्य करणाऱ्याचा मार्ग जो उदयाच्या प्रकाशासारखा आहे; [QE][QS]मध्यान्हापर्यंत अधिकाधिक प्रकाशणाऱ्यासारखा आहे. [QE]
19. [QS]पण दुष्टाचे मार्ग अंधकारासारखे आहेत, [QE][QS]ते कशाशी अडखळले हे त्यांना समजत नाही. [QE]
20. [QS]माझ्या मुला, माझ्या वचनाकडे लक्ष दे. [QE][QS]माझे सांगणे ऐक. [QE]
21. [QS]ती तुझ्या डोळ्यापासून जाऊ देऊ नकोस; [QE][QS]ती तुझ्या अंतःकरणात ठेव. [QE]
22. [QS]कारण ज्यांना माझी वचने सापडतात त्यांस ती जीवन देतात, [QE][QS]आणि त्यांच्या सर्व देहाला आरोग्य देतात. [QE]
23. [QS]तुझे अंतःकरण सुरक्षित ठेव आणि सर्व दक्षतेने त्याचे संरक्षण कर, [QE][QS]कारण त्यातूनच जीवनाचा झरा वाहतो. [QE]
24. [QS]वाकडे बोलणे तुझ्यापासून दूर ठेव, [QE][QS]आणि दूषित बोलणे सोडून दे. [QE]
25. [QS]तुझे डोळे नीट समोर पाहोत, [QE][QS]आणि तुझ्या पापण्या तुझ्यापुढे सरळ राहोत. [QE]
26. [QS]तुझ्या पावलांसाठी सपाट वाट कर; [QE][QS]मग तुझे सर्व मार्ग सुरक्षित होतील. [QE]
27. [QS]तू उजवीकडे किंवा डावीकडे दूर वळू नको; [QE][QS]तू आपला पाय वाईटापासून राख. [QE]