1. {ज्ञानामुळे प्राप्त होणारे फायदे} [PS] मुलांनो, वडिलांचे शिक्षण ऐका, [QBR] आणि सुज्ञान समजण्यासाठी त्याकडे लक्ष द्या. [QBR]
2. मी तुम्हास चांगला सल्ला देतो; [QBR] माझी शिकवण कधीही विसरु नका. [QBR]
3. जेव्हा मी माझ्या वडिलाचा मुलगा होतो, [QBR] माझ्या आईच्या दृष्टीने सुकुमार व एकुलता एक होतो, [QBR]
4. त्यांनी मला शिकवले आणि मला म्हणाले, [QBR] “तुझे मन माझी वचने घट्ट धरून ठेवो; [QBR] माझ्या आज्ञा पाळ आणि जिवंत राहा. [QBR]
5. ज्ञान आणि सुज्ञता संपादन कर; [QBR] माझे शब्द विसरु नकोस आणि माझ्या मुखातले शब्द नाकारू नकोस; [QBR]
6. ज्ञानाचा त्याग करू नकोस ते तुझे राखण करील; [QBR] त्याच्यावर प्रीती कर आणि ते तुझे रक्षण करील. [QBR]
7. ज्ञान हे सर्वात महत्वाची गोष्ट आहे म्हणून ज्ञान संपादन कर, [QBR] आणि आपले सर्वस्व खर्चून सुज्ञता मिळव. [QBR]
8. ज्ञान हृदयात जतन करून ठेव आणि ते तुला उंचावेल, [QBR] जेव्हा तू त्यास आलिंगन देशील तर ते तुझा सन्मान करील. [QBR]
9. ते तुझ्या शिरावर सन्मानाचे वेष्टन देईल; [QBR] ते तुला सुंदर मुकुट देईल.” [QBR]
10. माझ्या मुला, ऐक आणि माझ्या वचनाकडे लक्ष दे, [QBR] आणि तुझ्या आयुष्याची वर्षे पुष्कळ होतील. [QBR]
11. मी तुला ज्ञानाचा मार्ग दाखविला आहे; [QBR] मी तुला सरळ मार्गाने घेऊन जात आहे. [QBR]
12. जेव्हा तू चालशील, तेव्हा तुझ्या मार्गात कोणीही उभा राहणार नाही. [QBR] आणि जर तू धावशील, तर तू अडखळणार नाहीस. [QBR]
13. शिस्त घट्ट धरून ठेव, ती सोडून देऊ नको; [QBR] ते सांभाळून ठेव, कारण ते तुझे जीवन आहे. [QBR]
14. दुष्टांचे मार्ग आचरणात आणू नको, [QBR] आणि जे वाईट करतात त्यांच्या मार्गाने चालू नको. [QBR]
15. ते टाळ, त्याजवळ जाऊ नकोस; [QBR] त्यापासून मागे फीर आणि दुसऱ्या मार्गाने जा. [QBR]
16. कारण त्यांनी वाईट केल्याशिवाय त्यांना चैन पडत नाही [QBR] आणि कोणाला अडखळून पाडल्याशिवाय त्यांना झोप लागत नाही. [QBR]
17. कारण ते दुष्टाईने मिळवलेली भाकर खातात [QBR] आणि हिंसेचे मद्य पितात. [QBR]
18. परंतु योग्य करणाऱ्याचा मार्ग जो उदयाच्या प्रकाशासारखा आहे; [QBR] मध्यान्हापर्यंत अधिकाधिक प्रकाशणाऱ्यासारखा आहे. [QBR]
19. पण दुष्टाचे मार्ग अंधकारासारखे आहेत, [QBR] ते कशाशी अडखळले हे त्यांना समजत नाही. [QBR]
20. माझ्या मुला, माझ्या वचनाकडे लक्ष दे. [QBR] माझे सांगणे ऐक. [QBR]
21. ती तुझ्या डोळ्यापासून जाऊ देऊ नकोस; [QBR] ती तुझ्या अंतःकरणात ठेव. [QBR]
22. कारण ज्यांना माझी वचने सापडतात त्यांस ती जीवन देतात, [QBR] आणि त्यांच्या सर्व देहाला आरोग्य देतात. [QBR]
23. तुझे अंतःकरण सुरक्षित ठेव आणि सर्व दक्षतेने त्याचे संरक्षण कर, [QBR] कारण त्यातूनच जीवनाचा झरा वाहतो. [QBR]
24. वाकडे बोलणे तुझ्यापासून दूर ठेव, [QBR] आणि दूषित बोलणे सोडून दे. [QBR]
25. तुझे डोळे नीट समोर पाहोत, [QBR] आणि तुझ्या पापण्या तुझ्यापुढे सरळ राहोत. [QBR]
26. तुझ्या पावलांसाठी सपाट वाट कर; [QBR] मग तुझे सर्व मार्ग सुरक्षित होतील. [QBR]
27. तू उजवीकडे किंवा डावीकडे दूर वळू नको; [QBR] तू आपला पाय वाईटापासून राख. [PE]