1. {#1व्याभिचारिणीच्या कारवाया } [QS]माझ्या मुला, माझे शब्द जपून ठेव, [QE][QS]आणि माझ्या आज्ञा आपल्याजवळ साठवून ठेव. [QE]
2. [QS]माझ्या आज्ञा पाळ आणि जिवंत रहा, [QE][QS]आणि माझे शिक्षण डोळ्यातील बाहुलीप्रमाणे जप. [QE]
3. [QS]ती आपल्या बोटांस बांध; [QE][QS]ती आपल्या हृदयाच्या पाटीवर लिहून ठेव. [QE]
4. [QS]“तू माझी बहीण आहेस” असे ज्ञानाला म्हण, [QE][QS]आणि सुज्ञतेला आपले नातेवाईक म्हण, [QE]
5. [QS]अशासाठी की, भुरळ घालणाऱ्या स्त्रीपासून, [QE][QS]ते तुला व्यभिचारी स्त्रीच्या गोड शब्दांपासून वाचवतील. [QE]
6. [QS]माझ्या घराच्या खिडकीजवळील [QE][QS]जाळ्यातून मी बाहेर पाहिले; [QE]
7. [QS]आणि मी पुष्कळ भोळे तरुण पाहिले. [QE][QS]मला तरुणांमध्ये एक तरुण दिसला, [QE][QS]जो बुद्धिहीन मनुष्य होता. [QE]
8. [QS]तो तरुण मनुष्य तिच्या कोपऱ्याजवळून जाणाऱ्या वाटेने जात होता, [QE][QS]आणि तो तिच्या घराकडे, [QE]
9. [QS]त्या दिवशी संध्याकाळी संधीप्रकाशात, [QE][QS]रात्रीच्यावेळी आणि अंधकारात गेला. [QE]
10. [QS]आणि तेथे ती स्त्री त्यास भेटली, [QE][QS]वेश्येसारखा पोशाख केलेली आणि ती तेथे कशासाठी आहे हे तिला माहित होते. [QE]
11. [QS]ती वाचाळ व स्वच्छंदी असून, [QE][QS]तिचे पाय घरी राहत नाही; [QE]
12. [QS]कधी रस्त्यात, कधी बाजारात, [QE][QS]प्रत्येक नाक्याजवळ ती थांबून राहते. [QE]
13. [QS]मग तिने त्यास धरले आणि त्याची चुंबने घेतली; [QE][QS]निर्लज्जपणे ती त्यास म्हणाली, [QE]
14. [QS]“आज मी माझी शांत्यर्पणे केली; [QE][QS]मी आपले नवस फेडले, [QE]
15. [QS]ह्यासाठी मी तुला भेटायला, [QE][QS]तुझे मुख पाहायला उत्सुकतेने बाहेर आले आणि तू मला सापडला आहेस. [QE]
16. [QS]मी आपल्या अंथरुणावर, [QE][QS]मिसरातली रंगीत सुती चादर पसरली आहे. [QE]
17. [QS]मी आपले अंथरुण [QE][QS]बोळ, अगरू, दालचिनी यांनी सुवासिक केली आहे. [QE]
18. [QS]ये, आपण सकाळपर्यंत प्रीतीने भरून तृप्त होऊ; [QE][QS]आपण वेगवेगळ्या कृतींनी प्रेम करून महान आनंद घेऊ. [QE]
19. [QS]माझा पती घरी नाही; [QE][QS]तो लांबच्या प्रवासास गेला आहे. [QE]
20. [QS]त्याने प्रवासासाठी पैश्याची पिशवीबरोबर घेतली आहे; [QE][QS]तो पौर्णिमेच्या दिवशी परत घरी येईल.” [QE]
21. [QS]तिने आपल्या मोहक बोलण्याने त्याचे मन वळवले; [QE][QS]आणि आपल्या गोड बोलण्याने तिने त्यास सक्ती केली. [QE]
22. [QS]तो तिच्यामागे चालला, [QE][QS]जसा बैल कापला जाण्यास जातो, [QE][QS]किंवा जसा हरीण सापळ्यात पकडला जातो, [QE]
23. [QS]जसा पक्षी, पाशाकडे धाव घेतो, [QE][QS]तसा हे आपल्या जीवाची किंमत घेण्यासाठी आहे हे तो जाणत नाही, [QE][QS]किंवा तिर त्याचे काळीज भेदून जाईपर्यंत तसा तो तिच्यामागे जातो. [QE]
24. [QS]आणि आता, माझ्या मुलांनो, माझे ऐका; [QE][QS]मी काय सांगतो त्याकडे लक्ष द्या. [QE]
25. [QS]तुझ्या मनाला तिच्या मार्गाकडे वळू देऊ नकोस; [QE][QS]तिच्या वाटांनी जाऊन बहकू नकोस. [QE]
26. [QS]कारण तिने पुष्कळांना घायाळ करून पाडले आहे, [QE][QS]त्यांची संख्या मोजू शकत नाही. [QE]
27. [QS]तिचे घर म्हणजे अधोलोकाकडचा मार्ग आहे; [QE][QS]तो मृत्यूच्या खोल्यांकडे खाली उतरून जातो. [QE]