1. {#1ज्ञानाची थोरवी } [QS]ज्ञान हाक मारित नाही काय? [QE][QS]सुज्ञपणा तिचा आवाज उंचावत नाही का? [QE]
2. [QS]रस्त्याच्याबाजूला टेकडीच्या माथ्यावर, [QE][QS]ज्ञान तिला चौकाकडे उभे करते. [QE]
3. [QS]ते शहराच्या प्रवेशव्दाराजवळ, [QE][QS]शहराच्या वेशीजवळ, ती मोठ्याने हाक मारते. [QE]
4. [QS]“लोकांनो, मी तुम्हास बोलावत आहे. [QE][QS]आणि मानवजातीच्या मुलांसाठी आवाज उंचावते. [QE]
5. [QS]अहो भोळ्यांनो, तुम्ही समंजसपणा समजून घ्या [QE][QS]आणि तुम्ही कोणी ज्ञानाचा द्वेष करता, त्या तुम्ही सुबुद्ध हृदयाचे व्हा. [QE]
6. [QS]ऐका आणि मी उत्कृष्ट गोष्टी सांगणार आहे, [QE][QS]आणि जेव्हा माझे ओठ उघडतील तेव्हा जे योग्य आहे ते मी सांगेन, [QE]
7. [QS]कारण माझे मुख खरे आहे तेच बोलते, [QE][QS]आणि माझ्या ओठांना वाईटाचा वीट आहे. [QE]
8. [QS]माझ्या तोंडची सर्व वचने न्यायाची आहेत; [QE][QS]त्यामध्ये काही वेडेवाकडे किंवा फसवेगिरी नाही. [QE]
9. [QS]ज्या कोणाला समज आहे त्यास माझी सर्व वचने सरळ आहेत; [QE][QS]ज्या कोणाला ज्ञान प्राप्त झाले आहे त्यास माझी वचने योग्य आहेत. [QE]
10. [QS]रुपे घेऊ नका तर माझ्या शिक्षणाचा स्वीकार करा, [QE][QS]आणि शुध्द सोने न घेता ज्ञान घ्या. [QE]
11. [QS]कारण मी, ज्ञान, मौल्यवान खड्यांपेक्षा उत्तम आहे; [QE][QS]त्याची आपल्याला हव्या असलेल्या कोणत्याही वस्तूशी माझी तुलना होऊ शकत नाही. [QE]
12. [QS]मी, ज्ञान, चातुर्याबरोबर राहते, [QE][QS]आणि विद्या व विवेक ही मी प्राप्त करून घेतली आहे. [QE]
13. [QS]परमेश्वराचे भय म्हणजे वाईटाचा द्वेष करणे आहे; [QE][QS]मी गर्व, अभिमान, वाईट मार्ग [QE][QS]व कुटिल वाणी यांचा मी द्वेष करते. [QE]
14. [QS]चांगला सल्ला आणि सुज्ञान ही माझी आहेत; [QE][QS]मला ज्ञान आहे आणि सामर्थ्य ही माझी आहेत. [QE]
15. [QS]माझ्याद्वारे राजे [QE][QS]सरदारसुद्धा राज्य करतात आणि सर्व अधिकारी न्यायाने कारभार चालवतात. [QE]
16. [QS]माझ्याद्वारे राजपुत्र [QE][QS]आणि सरदार व सर्व कोणी न्यायाधीश अधिकार चालवतात. [QE]
17. [QS]माझ्यावर जे प्रीती करतात त्यांच्यावर मी प्रीती करते; [QE][QS]आणि जे मला परिश्रमाने शोधतात, त्यांना मी सापडते. [QE]
18. [QS]धन व सन्मान, टिकणारी संपत्ती व सदाचरण ही माझ्याजवळ आहे. [QE]
19. [QS]माझे फळ सोन्यापेक्षा, शुद्ध सोन्यापेक्षाही उत्तम आहे; [QE][QS]मी जे काही उत्पन्न करतो ते शुद्ध रुप्यापेक्षा उत्तम आहे. [QE]
20. [QS]जो योग्य मार्ग आहे त्याने मी चालते, [QE][QS]ती वाट न्यायाकडे नेते, [QE]
21. [QS]म्हणून जे माझ्यावर प्रेम करतात त्यांना मी वडिलोपार्जित मिळकत[* धनसंपत्ती ] देते. [QE][QS]आणि त्यांची भांडारे भरते. [QE]
22. [QS]परमेश्वराने सुरवातीपासून आपल्या पुरातन कृत्यातले [QE][QS]पहिले कृत्य असे मला निर्माण केले. [QE]
23. [QS]अनादिकाली, प्रारंभापासून [QE][QS]पृथ्वीच्या पूर्वी माझी स्थापना झाली. [QE]
24. [QS]जलाशय नव्हते, पाण्याने भरलेले झरे नव्हते. [QE][QS]तेव्हा माझा जन्म झाला; [QE]
25. [QS]पर्वत स्थापित झाले त्यापूर्वी, [QE][QS]आणि टेकड्यापूर्वी, माझा जन्म झाला. [QE]
26. [QS]परमेश्वराने पृथ्वी व शेत [QE][QS]किंवा पृथ्वीवरची पहिली धूळ निर्माण करण्याआधीच मी जन्मले. [QE]
27. [QS]जेव्हा त्याने आकाशाची स्थापना केली तेव्हा मी तिथे होते, [QE][QS]जेव्हा त्याने जलाशयाची वर्तुळाकार सीमा आखली. [QE]
28. [QS]जेव्हा त्याने आकाश वर स्थापित केले तेव्हा मी होते आणि, [QE][QS]जेव्हा जलाशयाचे झरे जोराने वाहू लागले. [QE]
29. [QS]जेव्हा त्याने सागराच्या पाण्याला सीमाबध्द केले तेव्हा ही मी होते. [QE][QS]पाण्याने त्याच्या आज्ञेच उल्लंघन करून पसरू नये, [QE][QS]आणि जेव्हा त्याने आज्ञा केली पृथ्वीचा पाया जेथे असायला पाहिजे तेथे मी होते. [QE]
30. [QS]तेव्हा मी त्याच्याजवळ कुशल कारागिर होते, [QE][QS]दिवसेंदिवस मी आनंदाने भरत होतो, [QE][QS]मी त्याच्यासमोर सर्वदा हर्ष करीत असे. [QE]
31. [QS]मी त्याच्या संपूर्ण पृथ्वीवर हर्ष करी, [QE][QS]आणि मनुष्यजातीच्या ठायी माझा आनंद होता. [QE]
32. [QS]तर आता माझ्या मुलांनो, माझे ऐका, [QE][QS]जे माझे मार्ग अनुसरतात ते धन्य आहेत. [QE]
33. [QS]माझी शिकवण ऐका आणि शहाणे व्हा; [QE][QS]दुर्लक्ष करू नका. [QE]
34. [QS]जो माझे ऐकतो तो सुखी होईल [QE][QS]तो माझ्या दारांशी प्रत्येक दिवशी जागत राहतो; [QE][QS]तो माझ्या घराच्या दाराजवळ माझ्यासाठी थांबतो. [QE]
35. [QS]कारण ज्याला मी सापडते, त्यास जीवन सापडते, [QE][QS]आणि त्यास परमेश्वराकडून अनुग्रह मिळतो. [QE]
36. [QS]पण जो कोणी मला शोधण्यास अयशस्वी होतो, जिवाची हानी करून घेतो; [QE][QS]जे सर्व कोणी माझा द्वेष करतात, त्यांना मरण प्रिय आहे.” [QE]