1. {देव सर्वसाक्षी व सर्वज्ञानी आहे} [PS] हे परमेश्वरा, तू माझी परीक्षा केली आहेस, आणि तू मला जाणतोस; [QBR]
2. मी केव्हा बसतो आणि केव्हा उठतो ते तुला माहित आहे; [QBR] तुला माझे विचार खूप दुरुनही समजतात. [QBR]
3. तू माझे चालने आणि माझे झोपणे बारकाईने पाहतो; [QBR] तू माझ्या मार्गांशी परिचित आहेस. [QBR]
4. हे परमेश्वरा, माझ्या मुखातून निघणारा एकही शब्द [QBR] तुला पूर्णपणे माहित नाही असे मुळीच नाही. [QBR]
5. तू मागून व पुढून मला घेरले आहेस, [QBR] आणि माझ्यावर तू आपला हात ठेवला आहेस. [QBR]
6. हे ज्ञान माझ्या कल्पनेपलीकडचे आहे; [QBR] ते खूप अगम्य आहे, ते मी समजू शकत नाही. [QBR]
7. मी तुझ्या आत्म्यापासून कोठे निसटून जाऊ शकतो? [QBR] मी तुझ्या सान्निध्यापासून कोठे पळून जाऊ शकतो? [QBR]
8. मी जर वर आकाशात चढलो तर तिथे तू आहेस; [QBR] जर मी खाली मृत्यूलोकात अंथरूण केले तरी, पाहा, तेथे तू आहेस. [QBR]
9. जर मी पहाटेचे पंख धारण करून [QBR] आणि समुद्राच्या अगदी पलीकडच्या तीरावर जाऊन राहिलो तरी तेथे तू आहेस. [QBR]
10. तरी तिथे ही तुझा उजवा हात मला धरतो. [QBR] आणि तू मला हाताने धरून नेतोस. [QBR]
11. जरी मी म्हणालो, खचित अंधार मला लपविल, [QBR] आणि तरीही रात्र माझ्याभोवती प्रकाशच होईल. [QBR]
12. काळोख देखील तुझ्यापासून काहीच लपवित नाही. [QBR] रात्रही दिवसासारखीच प्रकाशते, [QBR] कारण तुला काळोख आणि प्रकाश दोन्ही सारखेच आहेत. [QBR]
13. तू माझे अंतर्याम निर्माण केलेस; [QBR] तूच माझ्या आईच्या गर्भात मला घडवले. [QBR]
14. मी तुला धन्यवाद देतो, [QBR] कारण तुझी कृत्ये भयचकीत आणि आश्चर्यकारक आहेत, [QBR] हे तर माझा जीव पूर्णपणे जाणतो. [QBR]
15. मी गुप्तस्थळी निर्माण होत असता, [QBR] आणि पृथ्वीच्या अधोभागी विलक्षण प्रकारे [QBR] माझी घडण होत असता माझी आकृती तुला गुप्त नव्हती. [QBR]
16. तू मला गर्भात पिंडरूपाने असताना पाहिलेस; [QBR] माझा एकही दिवस उगवण्यापूर्वी [QBR] ते सर्व तुझ्या पुस्तकात नमूद करून ठेवले होते. [QBR]
17. हे देवा, तुझे विचार मला किती मोलवान आहेत, [QBR] त्यांची संख्या किती मोठी आहे. [QBR]
18. मी जर ती मोजू लागलो तर ती वाळूच्या कणांपेक्षाही जास्त ठरतील. [QBR] जेव्हा मी जागा होतो, तेव्हाही मी तुझ्याजवळच असतो. [QBR]
19. हे देवा! जर तू दुष्टांना मारुन टाकशील; [QBR] अहो हिंसाचारी मनुष्यांनो! माझ्यापासून दूर व्हा. [QBR]
20. ते तुझ्याविरूद्ध बंड आणि कपटाने कृती करतात; [QBR] तुझे वैरी तुझे नाव व्यर्थ घेतात. [QBR]
21. परमेश्वरा! तुझा द्वेष करणाऱ्यांचा मी का द्वेष करू नये? [QBR] तुझ्याविरुध्द उठणाऱ्यांचा मी का तिरस्कार करू नये? [QBR]
22. मी त्यांच्या पराकाष्ठेचा पूर्ण द्वेष करतो; [QBR] ते माझे शत्रू झाले आहेत. [QBR]
23. हे देवा, माझे परीक्षण कर आणि माझे मन जाण; [QBR] माझी परीक्षा घे आणि माझे विचार जाणून घे. [QBR]
24. माझ्या मनात जर काही दुष्ट मार्ग असतील तर पाहा, [QBR] आणि मला सनातन मार्गाने चालीव. [PE]