1. {परमेश्वराचे चांगुलपण व सामर्थ्य ह्यांबद्दल स्तुती} [PS] माझ्या देवा, हे राजा, मी तुझी खूप स्तुती करीन; [QBR] मी सदासर्वकाळ व कायम तुझ्या नावाचा धन्यवाद करीन. [QBR]
2. प्रत्येक दिवशी मी तुझा धन्यवाद करीन. [QBR] मी सदासर्वकाळ व कायम तुझ्या नावाचे स्तवन करीन. [QBR]
3. परमेश्वर महान आणि परमस्तुत्य आहे; [QBR] त्याची महानता अनाकलनीय आहे. [QBR]
4. एक पिढी दुसऱ्या पिढीपुढे तुझ्या कृत्यांची प्रशंसा करीत राहील, [QBR] आणि तुझ्या पराक्रमी कृतीचे वर्णन करतील. [QBR]
5. ते तुझ्या राजवैभवाचा गौरवयुक्त प्रतापाविषयी बोलतील, [QBR] मी तुझ्या अद्भुत कार्यांचे मनन करीन. [QBR]
6. ते तुझ्या भयावह कृत्यांच्या पराक्रमाविषयी बोलतील, [QBR] मी तुझ्या महिमेचे वर्णन करीन. [QBR]
7. ते तुझ्या विपुल अशा चांगुलपणाविषयी सांगतील, [QBR] आणि तुझ्या न्यायीपणाबद्दल गाणे गातील. [QBR]
8. परमेश्वर दयाळू आणि कृपाळू आहे, [QBR] तो मंदक्रोध व अतिदयाळू आहे. [QBR]
9. परमेश्वर सर्वांना चांगला आहे; [QBR] त्याची कृपा त्याने केलेल्या सर्व कृत्यांवर आहे. [QBR]
10. हे परमेश्वरा, तू केलेली सर्व कृत्ये तुला धन्यवाद देतील; [QBR] तुझे भक्त तुला धन्यवाद देतील. [QBR]
11. ते तुझ्या राज्याच्या गौरवाविषयी सांगतील, [QBR] आणि तुझ्या सामर्थ्याविषयी बोलतील. [QBR]
12. हे यासाठी की, त्यांनी देवाची पराक्रमी कृत्ये [QBR] आणि त्याच्या राज्याचे वैभवयुक्त ऐश्वर्य ही मानवजातीस कळवावी. [QBR]
13. तुझे राज्य युगानुयुग राहणारे राज्य आहे. [QBR] आणि तुझा राज्याधिकार पिढ्यानपिढ्या टिकणारा आहे. [QBR]
14. पडत असलेल्या सर्वांना परमेश्वर आधार देतो, [QBR] आणि वाकलेल्या सर्वांना तो उभे करतो. [QBR]
15. सर्वांचे डोळे तुझ्याकडे लागतात. [QBR] आणि तू त्यांना योग्य वेळी त्यांचे अन्न देतोस. [QBR]
16. तू आपला हात उघडून [QBR] प्रत्येक जिवंत प्राण्याची इच्छा तृप्त करतो. [QBR]
17. परमेश्वर आपल्या सर्व मार्गात न्यायी आहे; [QBR] आणि तो आपल्या सर्व कृत्यात दयाळू आहे. [QBR]
18. जे कोणी त्याचा धावा करतात, [QBR] जे सत्यतेने त्याचा धावा करतात, त्या सर्वांना परमेश्वर जवळ आहे. [QBR]
19. तो त्याचे भय धरणाऱ्यांची इच्छा पुरवतो; [QBR] तो त्यांची आरोळी ऐकून त्यांना वाचवतो. [QBR]
20. परमेश्वर आपल्यावर प्रेम करणाऱ्या सर्वांचे रक्षण करतो. [QBR] परंतु तो वाईटांचा नाश करतो. [QBR]
21. माझे मुख परमेश्वराची स्तुती करील. [QBR] सर्व मानवजात त्याच्या पवित्र नावाचा धन्यवाद सदासर्वकाळ व कायम करो. [PE]