1. {#1देवाची कृत्ये आणि त्याचे नियम }[PS]*मुख्य गायकासाठी. दाविदाचे स्तोत्र. *[PE][QS]आकाश देवाचा गौरव जाहीर करते, [QE][QS]आणि अंतराळ त्याच्या हातचे कृत्य दाखविते. [QE]
2. [QS]दिवस दिवसाशी बोलतो, [QE][QS]रात्र रात्रीला ज्ञान प्रकट करते. [QE]
3. [QS]संभाषण नाही, बोललेले शब्दही नाही, [QE][QS]त्यांचा आवाजही ऐकू येत नाही. [QE]
4. [QS]तरी त्यांचे शब्द सर्व पृथ्वीभर जातात. [QE][QS]आणि त्यांचे बोलणे जगाच्या शेवटापर्यंत जाते. [QE][QS]त्याने सुर्यासाठी आकाशामध्ये मंडप उभारला आहे. [QE]
5. [QS]सूर्य नवऱ्या मुलासारखा आपल्या मांडवातून बाहेर येतो. [QE][QS]आणि सामर्थ्यवान पुरुषाप्रमाणे तो आपली धाव धावण्यात आनंद करतो. [QE]
6. [QS]सूर्य एक क्षितीजापासून उदय होतो, [QE][QS]आणि दुसऱ्या क्षितिजापर्यंत आकाशात पार जातो. [QE][QS]त्याच्या उष्णतेपासून कोणाचीही सुटका होत नाही. [QE]
7. [QS]परमेश्वराचे नियमशास्त्र परिपूर्ण आहे, ते जीवाला पुर्नजीवित करणारे आहे. [QE][QS]परमेश्वराचे नियम विश्वसनीय आहेत, ज्यांना अनुभव नाही त्यांना शहाणपण देणारे आहे. [QE]
8. [QS]परमेश्वराच्या सूचना खऱ्या आहेत. जे हृदयाला हर्षीत करतात. [QE][QS]परमेश्वराच्या कराराचे नियम शुद्ध आहेत, ते डोळे प्रकाशवनारे आहेत. [QE]
9. [QS]परमेश्वराची भीती शुद्ध आहे, ती सर्वकाळ टिकणारे आहे, [QE][QS]परमेश्वराचे नियम खरे आहेत, आणि सर्व न्यायी आहेत. [QE]
10. [QS]ते सोन्यापेक्षा ही मौल्यवान आहेत. अती उत्तम सोन्यापेक्षाही ते शुद्ध आहेत. [QE][QS]ते मधाच्या पोळ्यातून गळणाऱ्या, मधापेक्षाही गोड आहेत. [QE]
11. [QS]होय, त्याकडून तुझ्या सेवकाला चेतावनी मिळते. [QE][QS]ते पाळण्याने उत्तम प्रतिफळ मिळते. [QE]
12. [QS]आपल्या स्वत:च्या चुका कोण ओळखू शकतो? माझ्या गुप्त दोषांची मला क्षमा कर. [QE]
13. [QS]तुझ्या सेवकाला जाणूनबुजून केलेल्या पापापासून राख; [QE][QS]ती माझ्यावर राज्य न गाजवोत. [QE][QS]तेव्हा मी परिपूर्ण होईल, [QE][QS]आणि माझ्या पुष्कळ अपराधांपासून निर्दोष राहीन. [QE]
14. [QS]माझ्या तोंडचे शब्द आणि माझ्या हृदयाचे विचार तुझ्यासमोर मान्य असोत. [QE][QS]परमेश्वरा, तू माझा खडक आहेस, मला तारणारा तूच आहेस. [QE]