1. {देवाची कृत्ये आणि त्याचे नियम} [PS] आकाश देवाचा गौरव जाहीर करते, [QBR] आणि अंतराळ त्याच्या हातचे कृत्य दाखविते. [QBR]
2. दिवस दिवसाशी बोलतो, [QBR] रात्र रात्रीला ज्ञान प्रकट करते. [QBR]
3. संभाषण नाही, बोललेले शब्दही नाही, [QBR] त्यांचा आवाजही ऐकू येत नाही. [QBR]
4. तरी त्यांचे शब्द सर्व पृथ्वीभर जातात. [QBR] आणि त्यांचे बोलणे जगाच्या शेवटापर्यंत जाते. [QBR] त्याने सुर्यासाठी आकाशामध्ये मंडप उभारला आहे. [QBR]
5. सूर्य नवऱ्या मुलासारखा आपल्या मांडवातून बाहेर येतो. [QBR] आणि सामर्थ्यवान पुरुषाप्रमाणे तो आपली धाव धावण्यात आनंद करतो. [QBR]
6. सूर्य एक क्षितीजापासून उदय होतो, [QBR] आणि दुसऱ्या क्षितिजापर्यंत आकाशात पार जातो. [QBR] त्याच्या उष्णतेपासून कोणाचीही सुटका होत नाही. [QBR]
7. परमेश्वराचे नियमशास्त्र परिपूर्ण आहे, ते जीवाला पुर्नजीवित करणारे आहे. [QBR] परमेश्वराचे नियम विश्वसनीय आहेत, ज्यांना अनुभव नाही त्यांना शहाणपण देणारे आहे. [QBR]
8. परमेश्वराच्या सूचना खऱ्या आहेत. जे हृदयाला हर्षीत करतात. [QBR] परमेश्वराच्या कराराचे नियम शुद्ध आहेत, ते डोळे प्रकाशवनारे आहेत. [QBR]
9. परमेश्वराची भीती शुद्ध आहे, ती सर्वकाळ टिकणारे आहे, [QBR] परमेश्वराचे नियम खरे आहेत, आणि सर्व न्यायी आहेत. [QBR]
10. ते सोन्यापेक्षा ही मौल्यवान आहेत. अती उत्तम सोन्यापेक्षाही ते शुद्ध आहेत. [QBR] ते मधाच्या पोळ्यातून गळणाऱ्या, मधापेक्षाही गोड आहेत. [QBR]
11. होय, त्याकडून तुझ्या सेवकाला चेतावनी मिळते. [QBR] ते पाळण्याने उत्तम प्रतिफळ मिळते. [QBR]
12. आपल्या स्वत:च्या चुका कोण ओळखू शकतो? माझ्या गुप्त दोषांची मला क्षमा कर. [QBR]
13. तुझ्या सेवकाला जाणूनबुजून केलेल्या पापापासून राख; [QBR] ती माझ्यावर राज्य न गाजवोत. [QBR] तेव्हा मी परिपूर्ण होईल, [QBR] आणि माझ्या पुष्कळ अपराधांपासून निर्दोष राहीन. [QBR]
14. माझ्या तोंडचे शब्द आणि माझ्या हृदयाचे विचार तुझ्यासमोर मान्य असोत. [QBR] परमेश्वरा, तू माझा खडक आहेस, मला तारणारा तूच आहेस. [PE]