1. {परमेश्वराच्या अभिषिक्ताचे राज्य} [PS] राष्ट्रे का बंडखोर झाली आहेत, [QBR] आणि लोक व्यर्थच का कट रचत आहेत? [QBR]
2. पृथ्वीचे राजे परमेश्वराविरूद्ध व त्याच्या अभिषिक्त्याविरूद्ध एकत्र उभे झाले आहेत, [QBR] आणि राज्यकर्ते एकत्र मिळून कट रचत आहेत, ते म्हणतात. [QBR]
3. चला, आपण त्यांच्या बेड्या तोडून टाकू, जे त्यांनी आपणावर लादल्या होत्या. [QBR] आणि त्यांचे साखळदंड फेकून देऊ. [QBR]
4. परंतु तो जो आकाशांत बसलेला आहे तो हसेल, [QBR] प्रभू त्यांचा उपहास करेल. [QBR]
5. तेव्हा तो आपल्या रागात त्यांच्याशी बोलेल, [QBR] आणि आपल्या संतापाने त्यांना घाबरे करील. [QBR]
6. मी माझ्या पवित्र डोंगरावर, सीयोनावर [* हे नाव मारिया डोंगरावरील एका टेकडीला देण्यात आले होते ज्यावर शलमोन राजाने मंदिर बांधले] , [QBR] माझ्या राजास अभिषेक केला आहे. [QBR]
7. मी परमेश्वराचा फर्मान घोषीत करीन, [QBR] तो मला म्हणाला, “तू माझा पुत्र आहेस.” [QBR] या दिवशी मी तुझा पिता झालो आहे. [QBR]
8. मला माग, आणि मी तुला राष्ट्रे तुझे वतन आणि पृथ्वीच्या सीमा तुझ्या ताब्यात देईल. [QBR]
9. लोखंडी दंडाने तू त्यांना तोडशील, [QBR] कुंभाराच्या भांड्यासारखा तू त्यांना फोडशील. [QBR]
10. म्हणून आता, अहो राजांनो, सावध व्हा; [QBR] पृथ्वीच्या राज्यकर्त्यांनो, चूक दुरुस्त करा. [QBR]
11. भय धरून परमेश्वराची स्तुती करा [QBR] आणि थरथर कापून हर्ष करा. [QBR]
12. आणि तो तुमच्यावर रागावू नये, [QBR] ह्यासाठी देवाच्या पुत्रास खरी निष्ठा द्या, म्हणजे तुम्ही मरणार नाही. [QBR] कारण देवाचा क्रोध त्वरीत पेटेल. [QBR] जे सर्व त्याच्याठायी आश्रय घेतात ते आशीर्वादीत आहेत. [PE]