1. {शत्रूच्या तावडीतून सुटल्याबद्दल उपकारस्तुती} [PS] हे परमेश्वरा, तुझ्या सामर्थ्यात राजा हर्ष करतो! [QBR] तू दिलेल्या तारणात तो किती मोठ्या मानाने आनंद करतो! [QBR]
2. त्याच्या हृदयाची इच्छा तू पूर्ण केली आहेस. [QBR] आणि त्याच्या ओठांची विनंती तू अमान्य केली नाही. [QBR]
3. कारण तो तुजकडे मोठे आशीर्वाद आणतो. [QBR] तू त्याच्या डोक्यावर शुद्ध सोन्याचा मुकुट चढवतो. [QBR]
4. त्याने तुझ्याकडे जीवनाची मागणी केली आणि तू त्यास न संपणारे आयुष्य दिलेस. [QBR]
5. तुझ्या विजयामुळे त्याचे गौरव थोर आहे. [QBR] तू त्यास ऐश्वर्य व वैभव बहाल केलेस. [QBR]
6. कारण तू त्यास सर्वकाळचा आशीर्वाद दिला आहे; [QBR] तू तुझ्या समक्षतेत त्यास हर्षाने आनंदित करतोस. [QBR]
7. कारण राजाचा परमेश्वरावर विश्वास आहे, [QBR] परात्पराच्या प्रेमदयेने तो कधीही ढळणार नाही. [QBR]
8. तुझा हात तुझ्या सर्व शत्रूला पकडणार. [QBR] तुझा उजवा हात जे तुझा हेवा करतात त्यांना पकडेल. [QBR]
9. तुझ्या क्रोधसमयी तू त्यांना जळत्या भट्टीत जाळून टाकशील. [QBR] परमेश्वर त्याच्या क्रोधसमयी त्यांचा नाश करणार, [QBR] आणि त्याचा अग्नी त्यांना खाऊन टाकणार. [QBR]
10. तू त्यांच्या संतानांचा या पृथ्वीवरुन नाश करशील. [QBR]
11. कारण, त्या लोकांनी तुझ्याविरूद्ध वाईट योजिले, [QBR] त्यांनी अशी योजना आखली जी त्यांच्याने यशस्वी झाली नाही. [QBR]
12. कारण तू त्यांना त्यांची पाठ दाखवावयास लावशील. [QBR] तू आपले धनुष्य त्यांच्यावर चालवण्यास सज्ज करशील. [QBR]
13. परमेश्वरा तू आपल्या नावाने उंचावला जावो, [QBR] आम्ही गाऊ व तुझ्या सामर्थ्याची स्तुती करू. [PE]