1. हे परमेश्वरा, मी आपला जीव तुझ्याकडे उंचावतो. [QBR]
2. माझ्या देवा, तुझ्यात माझा विश्वास आहे. [QBR] मला निराश होऊ देऊ नको, [QBR] माझे शत्रू माझ्यावर हर्ष न करोत. [QBR]
3. तुझ्या विश्वासणाऱ्याची कधी निराशा होत नाही. [QBR] परंतु जे कारण नसताना विश्वासघात करतात, ते लाजवले जातील. [QBR]
4. हे परमेश्वरा तुझे मार्ग मला कळव, [QBR] मला तुझे मार्ग शिकव. [QBR]
5. तू आपल्या सत्यात मला मार्ग दाखव आणि मला शिकव. [QBR] कारण तू माझा तारणारा देव आहेस [QBR] मी रोज तुझी वाट पाहतो. [QBR]
6. हे परमेश्वरा, तुझ्या दयाळू कृत्यांची आणि प्रेमदयेची आठवण कर. [QBR]
7. हे परमेश्वरा, माझे तरुणपणाचे पाप आणि माझा बंडखोरपणा आठवू नको. [QBR] तू आपल्या प्रेमदयेला अनुसरून आपल्या चांगुलपणामुळे माझी आठवण कर. [QBR]
8. परमेश्वर चांगला आणि प्रामाणिक आहे. [QBR] यास्तव तो पाप्यांस मार्ग शिकवतो. [QBR]
9. तो नम्र जणांस न्यायाने मार्गदर्शन करतो. [QBR] आणि दीनांना आपला मार्ग शिकवीतो. [QBR]
10. जे त्याचे करार आणि वचने पाळतात त्यांच्यासाठी परमेश्वराचे मार्ग प्रेमदया व विश्वासयोग्य आहेत. [QBR]
11. परमेश्वरा, तुझ्या नामास्तव, [QBR] माझ्या अपराधांची क्षमा कर, कारण ते खूप आहेत. [QBR]
12. परमेश्वराचे भय धरतो असा मनुष्य कोण आहे? [QBR] प्रभू त्यास सूचना देईल, की त्याने कोणते मार्ग निवडावे. [QBR]
13. त्याचे जीवन चांगुलपणात जाईल, [QBR] आणि त्याची संतान भूमीचे वतन पावतील. [QBR]
14. परमेश्वराचे सत्य त्याचे अनुकरण करणाऱ्यांबरोबर असते. [QBR] आणि तो त्याचे करार कळवतो. [QBR]
15. मी नेहमी परमेश्वराकडे आपली दृष्टी लावतो. [QBR] कारण तो माझे पाय जाळ्यातून मुक्त करतो. [QBR]
16. परमेश्वरा माझ्याकडे फिर आणि माझ्यावर दया कर. [QBR] कारण मी एकटा आणि पीडलेला आहे. [QBR]
17. माझ्या हृदयाचा त्रास वाढला आहे, [QBR] संकटातून मला तू काढ. [QBR]
18. परमेश्वरा, माझे दु:ख आणि कष्ट बघ, [QBR] माझ्या सर्व पापांची क्षमा कर. [QBR]
19. माझ्या सर्व शत्रूंकडे पाहा, कारण ते पुष्कळ आहेत. [QBR] ते माझा कठोरपणे तिरस्कार करतात. [QBR]
20. देवा, माझे रक्षण कर आणि मला वाचव. [QBR] माझा तुझ्यावर विश्वास आहे, तेव्हा माझी निराशा करू नकोस. [QBR]
21. तुझा प्रामाणिकपणा आणि सरळपणा माझे रक्षण करोत. [QBR] कारण माझा तुझ्यावर विश्वास आहे. [QBR]
22. देवा, इस्राएलाच्या लोकांस त्यांच्या सर्व त्रासांपासून सोडव. [PE]