1. {उत्पन्नकर्त्याची व संरक्षकाची महती} [PS] न्यायी जनहो! परमेश्वरामध्ये आनंद करा, [QBR] न्यायी लोकांनो त्याची स्तुती करा. [QBR]
2. वीणा वाजवून परमेश्वरास धन्यवाद द्या; [QBR] दहा तारांच्या वाद्यावर त्याचे गुणगान गा. [QBR]
3. त्याच्यासाठी नवे गीत गा; [QBR] मोठा आवाज करून कौशल्याने वाद्ये वाजवा. [QBR]
4. कारण परमेश्वरचे वचन सरळ आहे, [QBR] आणि तो जे करतो ते प्रामाणिकपणाने करतो. [QBR]
5. देवाला चांगलुपणा आणि न्यायीपण प्रिय आहे, [QBR] परमेश्वराच्या प्रेमदयेने पृथ्वी भरलेली आहे. [QBR]
6. परमेश्वराच्या शब्दाकडून आकाशे निर्माण झाली [QBR] आणि त्याच्या मुखातील श्वासाने सर्व तारे निर्माण झाले आहेत. [QBR]
7. तो समुद्रातील पाणी ढीगासारखे एकत्र करतो, [QBR] तो समुद्र कोठारामध्ये ठेवतो. [QBR]
8. सर्व पृथ्वी परमेश्वराचे भय बाळगो, [QBR] जगात राहणारा प्रत्येक त्याच्या भीतीत उभा राहो. [QBR]
9. कारण तो बोलला आणि ते झाले, [QBR] त्याने आज्ञा केली आणि ते आपल्या ठिकाणी स्थिर झाले. [QBR]
10. राष्ट्रांचा उपदेश परमेश्वर मोडतो, [QBR] तो लोकांच्या योजनांवर अधिकार करतो. [QBR]
11. परंतु परमेश्वराच्या योजना सर्वकाळ राहतात, [QBR] त्याच्या हृदयातील योजना पिढ्यानपिढ्या स्थिर राहतात. [QBR]
12. परमेश्वर ज्या राष्ट्राचा देव आहे ते राष्ट्र आशीर्वादित आहे. [QBR] ज्यांना त्याने आपल्या वतनाचे होण्यास निवडले आहे ते सुखी आहेत. [QBR]
13. परमेश्वर स्वर्गातून खाली पाहतो, [QBR] तो सर्व लोकांस पाहातो. [QBR]
14. तो आपल्या राहण्याच्या ठिकाणाहून [QBR] पृथ्वीवर राहणाऱ्या सर्व लोकांकडे पाहतो. [QBR]
15. ज्याने सर्वांची हृदये घडवली तो [QBR] त्या सर्वांची कृत्ये पारखतो, तोच तो आहे. [QBR]
16. पुष्कळ सैन्य असल्याने राजा तारला जात नाही. [QBR] वीर योद्धा त्याच्या सामर्थ्याने वाचतो असे नाही. [QBR]
17. घोडा विजयासाठी व्यर्थ आहे. [QBR] त्याच्या पुष्कळ बळाने तो कोणाला वाचवू शकत नाही. [QBR]
18. पाहा! परमेश्वराची दृष्टी त्याचे भय बाळगणाऱ्यांवर आहे. [QBR] जे त्याच्या प्रेमदयेची आशा धरतात, [QBR]
19. त्यांना मरणापासून, [QBR] आणि दुष्काळापासून वाचवायला त्याची दृष्टी त्यांच्यावर आहे. [QBR]
20. आम्ही परमेश्वराची वाट पाहू, [QBR] तो आमचे साहाय्य आणि आमची ढाल आहे. [QBR]
21. त्याच्यामध्ये आमचे हृदय हर्ष पावते, [QBR] कारण आम्ही त्याच्या पवित्रतेत विश्वास ठेवतो. [QBR]
22. परमेश्वरा, आम्ही तुझी आशा धरली आहे [QBR] त्याप्रमाणे तुझी प्रेमदया आम्हाबरोबर असू दे. [PE]