1. {पश्चातापी अंतःकरणाची प्रार्थना} [PS] परमेश्वरा, तुझ्या क्रोधात मला ताडना करू नकोस, [QBR] आणि तुझ्या कोपात मला शिक्षा करू नकोस. [QBR]
2. कारण तुझे बाण मला छेदतात, [QBR] आणि तुझा हात मला खाली दाबतो आहे. [QBR]
3. माझे सर्व शरीर तुझ्या क्रोधाने आजारी झाले आहे. [QBR] आणि माझ्या अपराधांमुळे माझ्या हाडांत स्वस्थता नाही. [QBR]
4. कारण माझ्या वाईट गोष्टींनी मला दडपून टाकले आहे. [QBR] ते माझ्याकरिता फार जड असे ओझे झाले आहे. [QBR]
5. माझ्या पापाच्या मूर्खपणामुळे, [QBR] माझ्या जखमा संसर्गजन्य आणि दुर्गंधित झाल्या आहेत. [QBR]
6. मी वाकलो आहे आणि प्रत्येक दिवशी मानहानी होते; [QBR] दिवसभर मी शोक करतो. [QBR]
7. कारण लज्जेने मला गाठले आहे, [QBR] आणि माझे सर्व शरीर आजारी आहे. [QBR]
8. मी बधिर आणि पूर्णपणे ठेचला गेलो आहे. [QBR] आपल्या हृदयाच्या तळमळीने मी कण्हतो. [QBR]
9. हे प्रभू, तू माझ्या हृदयाची खोल उत्कंठ इच्छा समजतोस, [QBR] आणि माझे कण्हणे तुझ्यापासून लपले नाही. [QBR]
10. माझे हृदय धडधडत आहे, माझी शक्ती क्षीण झाली आहे [QBR] आणि माझी दृष्टीही अंधुक झाली आहे. [QBR]
11. माझ्या परिस्थितीमुळे माझे मित्र आणि माझे सोबती मला टाळतात, [QBR] माझे शेजारी माझ्यापासून लांब उभे राहतात. [QBR]
12. जे माझा जीव घेऊ पाहतात ते माझ्यासाठी पाश मांडतात. [QBR] जे माझी हानी करू पाहतात ते दिवसभर विध्वंसक [QBR] आणि कपटाचे शब्द बोलतात. [QBR]
13. मी तर बहिर्‍यासारखा होऊन ऐकत नाही; [QBR] मुक्यासारखा मी आपले तोंड उघडत नाही. [QBR]
14. ऐकू न येणाऱ्या माणसासारखा मी आहे, [QBR] ज्याच्याकडे काही उत्तर नाही. [QBR]
15. परमेश्वरा, खचित मी तुझी वाट पाहीन. [QBR] प्रभू माझ्या देवा, तू मला उत्तर देशील. [QBR]
16. कारण मी जर म्हणालो तू उत्तर दिले नाही, तर माझे शत्रू माझ्यावर आनंद करतील. [QBR] जर माझा पाय घसरला, तर ते भयानक गोष्टी करतील. [QBR]
17. कारण मी अडखळून पडण्याच्या बेतास आलो आहे, [QBR] आणि मी सतत यातनेत आहे. [QBR]
18. मी माझा अपराध कबूल करतो; [QBR] मी माझ्या पापासंबंधी चिंताकुल आहे. [QBR]
19. परंतु माझे शत्रू असंख्य आहेत; [QBR] जे माझा वाईटाने द्वेष करतात ते पुष्कळ आहेत. [QBR]
20. माझ्या चांगल्याची परतफेड ते वाईटाने करतात. [QBR] जरी मी चांगले अनुसरलो. तरी माझ्यावर ते दोषारोपण करतात. [QBR]
21. हे परमेश्वरा, मला सोडू नकोस; [QBR] माझ्या देवा, माझ्यापासून दूर राहू नकोस. [QBR]
22. हे प्रभू, माझ्या तारणाऱ्या, [QBR] माझे साहाय्य करण्यास त्वरा कर. [PE]