1. {आयुष्याची क्षणभंगुरता} [PS] मी ठरवले “मी जे बोलेन त्याकडे लक्ष देईन, [QBR] म्हणजे मी माझ्या जीभेने पाप करणार नाही.” [QBR]
2. मी स्तब्ध राहिलो, चांगले बोलण्यापासूनही मी आपले शब्द आवरले. [QBR] आणि माझ्या वेदना आणखी वाईट तऱ्हेने वाढल्या. [QBR]
3. माझे हृदय तापले, [QBR] जेव्हा मी या गोष्टींविषयी विचार करत होतो, तेव्हा ते अग्नीप्रमाणे पेटले. [QBR] तेव्हा शेवटी मी बोललो. [QBR]
4. हे परमेश्वरा, माझ्या जीवनाचा अंत केव्हा आहे, [QBR] आणि माझ्या आयुष्याचे दिवस किती आहेत हे मला कळू दे, [QBR] मी किती क्षणभंगुर आहे ते मला दाखव. [QBR] माझे आयुष्य किती लहान आहे ते मला कळू दे. [QBR]
5. पाहा, तू माझे दिवस हाताच्या रुंदी इतके केले आहेत. [QBR] आणि माझा जीवनकाल तुझ्यासमोर काहीच नाही. [QBR] खचित मनुष्य केवळ एक श्वासच आहे. [QBR]
6. खचित प्रत्येक मनुष्य हा सावलीसारखा चालतो, [QBR] खचित प्रत्येकजण संपत्ती साठवण्यासाठी घाई करतो, [QBR] पण त्यांना हे कळत नाही कोणास ते प्राप्त होणार. [QBR]
7. हे प्रभू, आता मी कशाची वाट पाहू? [QBR] तूच माझी एक आशा आहेस! [QBR]
8. माझ्या अपराधांवर मला विजय दे, [QBR] मला मूर्खांच्या अपमानाची वस्तू होऊ देऊ नको. [QBR]
9. मी मुका राहिलो, मी आपले तोंड उघडले नाही. [QBR] कारण हे तुच केले आहेस. [QBR]
10. मला जखमा करणे थांबव, [QBR] तुझ्या हाताच्या माराने मी क्षीण झालो आहे. [QBR]
11. जेव्हा तू लोकांस पापांबद्दल शिकवण करतोस. [QBR] कसरीप्रमाणे तू त्यांची शक्ती खाऊन टाकतो. [QBR] खचित सर्व मनुष्य फक्त वाफ आहेत. (सेला) [QBR]
12. परमेश्वरा माझी प्रार्थना ऐक, [QBR] माझ्याकडे कान लाव. [QBR] माझे रडणे ऐक, [QBR] कारण तुझ्याजवळ परका, माझ्या पूर्वजांसारखा उपरी आहे. [QBR]
13. तुझे माझ्यावरील टक लावून बघने फिरव, [QBR] म्हणजे मी मरणाच्या आधी पुन्हा हर्षीत होईल. [PE]