1. {शत्रूंच्या हातातून सुटका व्हावी म्हणून प्रार्थना} [PS] हे देवा, मला माझ्या शत्रूंपासून सोडीव; [QBR] जे माझ्याविरूद्ध उठतात त्यांच्यापासून मला दूर उंचावर ठेव. [QBR]
2. दुष्कर्म करणाऱ्यांपासून मला सुरक्षित ठेव, [QBR] आणि रक्तपाती मनुष्यापासून मला वाचव. [QBR]
3. कारण, पाहा, ते माझ्या जीवासाठी दबा धरून बसले आहेत. [QBR] हे परमेश्वरा, माझा अपराध किंवा पातक नसता, [QBR] सामर्थी लोक माझ्याविरूद्ध एकत्र गोळा झाले आहेत. [QBR]
4. जरी मी निर्दोष असलो तरी ते माझ्याकडे धावण्याची तयारी करत आहेत; [QBR] मला मदत करावी म्हणून जागा हो व पाहा. [QBR]
5. हे परमेश्वरा, सेनाधीश देवा, इस्राएलाच्या देवा, [QBR] ऊठ आणि सर्व राष्ट्रांना शिक्षा कर; [QBR] कोणत्याही दुष्ट पापी मनुष्यास दया दाखवू नकोस. [QBR]
6. संध्याकाळी ते परत येतात, कुत्र्यांसारखे गुरगुरतात [QBR] आणि नगराभोवती फिरतात. [QBR]
7. पाहा, ते आपल्या मुखावाटे ढेकर देतात; [QBR] त्यांच्या तोंडचे शब्द तलवार आहेत. [QBR] कारण ते म्हणतात, आमचे कोण ऐकतो? [QBR]
8. परंतु हे परमेश्वरा, तू त्यांना हसशील; [QBR] तू सर्व राष्ट्रांना उपहासात धरशील. [QBR]
9. हे माझ्या सामर्थ्या, मी तुझ्याकडे लक्ष देईन; [QBR] कारण देवच माझा उंच बुरूज आहे. [QBR]
10. माझा देव मला त्याच्या कराराच्या विश्वसनीयतेने भेटेल; [QBR] माझ्या शत्रूवर माझी इच्छा पूर्ण झालेली देव मला पाहू देईल. [QBR]
11. त्यांना जिवे मारू नको नाहीतर माझे लोक विसरून जातील; [QBR] हे प्रभू तू आमची ढाल आहेस, आपल्या बलाने त्यांची दाणादाण कर, त्यांस खाली पाड. [QBR]
12. कारण त्यांच्या तोंडचे पाप आणि त्यांच्या ओठांचे शब्द, [QBR] आणि त्यांनी अभिव्यक्त केलेले शाप [QBR] आणि खोटेपणा यामुळे ते आपल्या अंहकारात पकडले जातात. [QBR]
13. क्रोधात त्यांना नष्ट कर, ते यापुढे नाहीसे व्हावेत असे त्यांना नष्ट कर. [QBR] देव याकोबात आणि पृथ्वीच्या शेवटापर्यंत [QBR] राज्य करतो हे त्यांना माहित होवो. [QBR]
14. संध्याकाळी ते परत येतात; कुत्र्यांसारखे गुरगुरतात. [QBR] आणि रात्री नगराभोवती फिरतात. [QBR]
15. ते अन्नासाठी वर आणि खाली भटकतात, [QBR] आणि जर त्यांची तृप्ति झाली नाही तर रात्रभर वाट पाहतात. [QBR]
16. परंतु मी तुझ्या सामर्थ्याविषयी गीत गाईन; कारण तू माझा उंच बुरूज आहे [QBR] आणि माझ्या संकटाच्या समयी आश्रयस्थान आहेस. [QBR]
17. हे माझ्या सामर्थ्या, मी तुझी स्तवने गाईन; [QBR] कारण देव माझा उंच बुरूज आहे, [QBR] माझा देव ज्यावर मी विश्वास ठेऊ शकतो. [PE]