1. {#1आपल्याला न्याय मिळावा म्हणून प्रार्थना }[PS]*कूश बन्यामिन याच्या बोलण्यावरुन परमेश्वरास गाईलेले दाविदाचे शिग्गायोन. *[PE][QS]हे परमेश्वरा, माझ्या देवा, मी तुझ्याठायी आश्रय घेतो! [QE][QS]माझा पाठलाग करणाऱ्यांपासून मला वाचव आणि मला सोडव. [QE]
2. [QS]नाहीतर ते मला सिंहासारखे फाडून टाकतील. [QE][QS]वाचवायला कोणी समर्थ नसणार, म्हणून ते माझे तुकडे तुकडे करतील. [QE]
3. [QS]परमेश्वरा माझ्या देवा, मी असे काही केले नाही जे शत्रू सांगतात, [QE][QS]माझ्या हाती काही अन्याय नाही. [QE]
4. [QS]माझ्याशी शांतीने राहणाऱ्याचे मी कधीही वाईट केले नाही. [QE][QS]किंवा माझ्याविरोधात जे होते त्यांना इजा केली नाही. [QE]
5. [QS]जर मी खरे सांगत नसेल तर, माझे शत्रू माझ्या जीवाच्या पाठीस लागो आणि त्यास गाठून घेवो. [QE][QS]तो माझा जीव मातीत तुडवो आणि माझी प्रतिष्ठा धुळीस मिळवो. [QE]
6. [QS]हे परमेश्वरा, आपल्या क्रोधाने उठ; माझ्या विरोध्यांच्या संतापामुळे उभा राहा, [QE][QS]माझ्यासाठी जागा हो आणि तुझ्या न्यायाचा आदेश जो तू आज्ञापीले आहे तो पूर्णत्वास ने. [QE]
7. [QS]राष्ट्रांची सभा तुझ्याभोवती येवो, [QE][QS]आणि पुन्हा तू त्यांच्यावरती आपले योग्य ठिकाण घे. [QE]
8. [QS]परमेश्वर राष्ट्रांचा न्याय करतो, [QE][QS]परमेश्वरा, मला समर्थन दे, आणि माझ्या न्यायीपणाप्रमाणे आणि माझ्या स्वतःच्या सात्त्विकतेप्रमाणे माझा न्याय कर. [QE]
9. [QS]दुष्टांच्या वाईट कृत्यांचा अंत होवो, परंतु धार्मिकाला स्थापित कर. [QE][QS]कारण न्यायी देव हृदय व अंतर्यामे पारखणारा आहे. [QE]
10. [QS]जो सरळ हृदयाच्यांना तारतो त्या देवापाशी माझी ढाल आहे. [QE]
11. [QS]देव न्यायी न्यायाधीश आहे, [QE][QS]असा देव जो प्रतिदिवशी न्यायाने रागावतो. [QE]
12. [QS]जर मनुष्याने पश्चाताप केला नाही तर, देव त्याच्या तलवारीला धार लावणार [QE][QS]आणि त्याचा धनुष्य युद्धासाठी तयार करणार. [QE]
13. [QS]त्याने आपली प्राणघातक शस्त्रे तयार केली आहेत. [QE][QS]तो आपले अग्नीबान तयार करतो. [QE]
14. [QS]त्यांचा विचार कर जे दुष्टपणाने गरोदर झाले आहेत. [QE][QS]जे विध्वंसक योजनांची गर्भधारणा करतात, जे अपायकारक लबाडीला जन्म घालतात. [QE]
15. [QS]त्याने खड्डा खोदला आणि तो खोल खोदला, [QE][QS]आणि त्याने जो खड्डा केला त्यामध्ये तोच पडला. [QE]
16. [QS]त्याच्या अपायकारक योजना त्याच्याच डोक्यावर परत येतील, [QE][QS]आणि त्याची हिंसा त्याच्याच माथ्यावर येईल. [QE]
17. [QS]मी परमेश्वरास त्याच्या न्यायीपणाप्रमाणे धन्यवाद देईन, [QE][QS]मी परात्पर परमेश्वराच्या नावाची स्तुती गाईन. [QE]