1. {देवाच्या महत्कृत्यांच्या स्मरणाने समाधान} [PS] मी आपल्या वाणीने देवाला हाक मारीन; [QBR] मी आपल्या वाणीने देवाला हाक मारीन आणि माझा देव माझे ऐकेल. [QBR]
2. माझ्या संकटाच्या दिवसात मी प्रभूला शोधले. [QBR] मी रात्रभर हात पसरून प्रार्थना केली; तो ढिला पडला नाही. [QBR] माझ्या जीवाने सांत्वन पावण्याचे नाकारले. [QBR]
3. मी देवाचा विचार करतो तसा मी कण्हतो; [QBR] मी त्याबद्दल चिंतन करतो तसा मी क्षीण होतो. [QBR]
4. तू माझे डोळे उघडे ठेवतोस; [QBR] मी इतका व्याकुळ झालो की, माझ्याने बोलवत नाही. [QBR]
5. मी पूर्वीचे दिवस व पुरातन काळची वर्षे [QBR] याबद्दल मी विचार करतो. [QBR]
6. रात्रीत मी एकदा गाईलेल्या गाण्याची मला आठवण येते. [QBR] मी काळजीपूर्वक विचार करतो [QBR] आणि काय घडले हे मी समजून घेण्याचा प्रयत्न करतो. [QBR]
7. प्रभू सर्वकाळ आमचा नकार करील काय? [QBR] तो मला पुन्हा कधीच प्रसन्नता दाखवणार नाही का? [QBR]
8. त्याच्या विश्वासाचा करार कायमचा गेला आहे का? [QBR] त्याची अभिवचने पिढ्यानपिढ्या अयशस्वी होतील का? [QBR]
9. देव दया करण्याचे विसरला का? [QBR] त्याच्या रागाने त्याचा कळवळा बंद केला आहे का? [QBR]
10. मी म्हणालो, हे माझे दुःख आहे, [QBR] आमच्या प्रती परात्पराचा उजवा हात बदलला आहे [QBR]
11. पण मी परमेश्वराच्या कृत्यांचे वर्णन करीन; [QBR] मी तुझ्या पुरातन काळच्या आश्चर्यकारक कृत्यांविषयी विचार करीन. [QBR]
12. मी तुझ्या सर्व कृत्यावर चिंतन करीन, [QBR] आणि मी त्यावर काळजीपूर्वक विचार करीन. [QBR]
13. हे देवा, तुझे मार्ग पवित्र [* चमत्कारीक ] आहेत, [QBR] आमच्या महान देवाशी कोणता देव तुलना करेल. [QBR]
14. अद्भुत कृत्ये करणारा देव तूच आहेस. [QBR] तू लोकांमध्ये आपले सामर्थ्य उघड केले आहे. [QBR]
15. याकोब आणि योसेफ यांच्या वंशजाना, [QBR] आपल्या लोकांस आपल्या सामर्थ्याने विजय दिला आहेस. [QBR]
16. हे देवा, जलाने तुला पाहिले, [QBR] जलांनी तुला पाहिले आणि ते घाबरले, [QBR] खोल जले कंपित झाली. [QBR]
17. मेघांनी पाणी खाली ओतले; [QBR] आभाळ गडगडाटले; [QBR] तुझे बाणही चमकू लागले. [QBR]
18. तुझ्या गर्जनेची वाणी वावटळित ऐकण्यात आली; [QBR] विजांनी जग प्रकाशमय केले; [QBR] पृथ्वी कंपित झाली आणि थरथरली. [QBR]
19. समुद्रात तुझा मार्ग व महासागरात तुझ्या वाटा होत्या, [QBR] पण तुझ्या पावलाचे ठसे कोठेही दिसले नाहीत. [QBR]
20. मोशे आणि अहरोन याच्या हाताने [QBR] तू आपल्या लोकांस कळपाप्रमाणे नेलेस. [PE]