1. {एकनिष्ठपणे न वागणाऱ्यावरही देवाची कृपा} [PS] अहो माझ्या लोकांनो, माझी शिकवण ऐका, [QBR] माझ्या तोंडच्या वचनाकडे लक्ष द्या. [QBR]
2. मी शहाणपणाचे गीत गाईन; [QBR] मी पूर्वकाळच्या गुप्त गोष्टीबद्दल सांगेन. [QBR]
3. ज्या आम्ही ऐकल्या आणि ज्या आम्हास समजल्या, [QBR] त्या आमच्या वाडवडिलांनी आम्हास सांगितल्या. [QBR]
4. त्या आम्ही त्यांच्या वंशजापासून गुप्त ठेवणार नाही. [QBR] त्या आम्ही पुढील पिढीला परमेश्वराची स्तुत्य कृत्ये, [QBR] त्याचे सामर्थ्य आणि त्याने केलेले आश्चर्ये कृत्ये सांगू. [QBR]
5. कारण त्याने याकोबात निर्बंध स्थापले [QBR] आणि इस्राएलासाठी नियमशास्त्र नेमले. [QBR] त्याने आमच्या पूर्वजांना आज्ञा दिल्या की, [QBR] त्यांनी त्या आपल्या मुलांना शिकवाव्या. [QBR]
6. त्याने ही आज्ञा यासाठी दिली की, पुढच्या पिढीने म्हणजे जी मुले जन्माला येतील, त्यांनी त्या आज्ञा जाणाव्या, [QBR] त्या आपल्या स्वतःच्या मुलांना सांगाव्या. [QBR]
7. मग ते आपली आशा देवावर ठेवतील [QBR] आणि त्याची कृत्ये विसरणार नाहीत [QBR] परंतु त्याच्या आज्ञा पाळतील. [QBR]
8. तर त्यांनी आपल्या पूर्वजासारखे [QBR] हट्टी आणि बंडखोर पिढी होऊ नये, [QBR] त्यांनी आपले अंतःकरण योग्य राखले नाही, [QBR] आणि जिचा आत्मा देवाला समर्पित व प्रामाणिक नव्हता. [QBR]
9. एफ्राइमाचे वंशज धनुष्यासह सशस्र होती, [QBR] परंतु त्यांनी युद्धाच्यादिवशी पाठ फिरवली. [QBR]
10. त्यांनी देवाबरोबर करार पाळला नाही, [QBR] आणि त्यांनी त्याचे नियमशास्त्र पाळण्याचे नाकारले. [QBR]
11. ते त्याची कृत्ये [QBR] व त्याने दाखवलेली विस्मयकारक गोष्टी ते विसरले. [QBR]
12. मिसर देशातल्या सोअन प्रांतात [QBR] त्यांच्या वडिलांच्या दृष्टीसमोर त्याने आश्चर्यकारक गोष्टी केल्या. [QBR]
13. त्याने समुद्र दुभागला आणि त्यांना पलिकडे नेले, [QBR] त्याने पाणी भिंतीसारखे उभे केले. [QBR]
14. तो त्यांना दिवसा मेघ [QBR] व रात्रभर अग्नीच्या प्रकाशात मार्ग दाखवित घेऊन जात असे. [QBR]
15. त्याने रानात खडक फोडला, [QBR] आणि समुद्राची खोली पुरे भरण्यापर्यंत त्यांना विपुल पाणी दिले. [QBR]
16. त्याने खडकातून पाण्याचे प्रवाह [QBR] आणि नदीसारखे पाणी बाहेर वाहविले. [QBR]
17. तरी ते त्याच्याविरुध्द पाप करितच राहिले. [QBR] रानात परात्पराविरूद्ध बंड केले. [QBR]
18. नंतर त्यांनी आपली भूक तृप्त करण्यासाठी, [QBR] अन्न मागून आपल्या मनात देवाला आव्हान दिले. [QBR]
19. ते देवाविरूद्ध बोलले, [QBR] ते म्हणाले, “देव खरोखर आम्हास रानात भोजन देऊ शकेल का? [QBR]
20. पहा, त्याने खडकावर प्रहार केला तेव्हा पाणी उसळून बाहेर पडले, [QBR] आणि पाण्याचे प्रवाह भरून वाहू लागले. [QBR] पण भाकरही देऊ शकेल काय? [QBR] तो आपल्या लोकांसाठी मांसाचा पुरवठा करील काय?” [QBR]
21. जेव्हा परमेश्वराने हे ऐकले, तेव्हा तो रागावला; [QBR] म्हणून याकोबावर त्याचा अग्नि भडकला, [QBR] आणि त्याच्या रागाने इस्राएलवर हल्ला केला, [QBR]
22. कारण त्यांनी देवावर विश्वास ठेवला नाही, [QBR] आणि त्याच्या तारणावर भरवसा ठेवला नाही. [QBR]
23. तरी त्याने वर आभाळाला आज्ञा दिली, [QBR] आणि आभाळाचे दरवाजे उघडले. [QBR]
24. खाण्यासाठी त्याने त्यांच्यावर मान्नाचा वर्षाव केला, [QBR] आणि त्यांना आकाशातून धान्य दिले. [QBR]
25. देवदूतांची भाकर लोकांनी खाल्ली. [QBR] त्याने त्यांना भरपूर अन्न पाठवून दिले. [QBR]
26. त्याने आकाशात पूर्वेचा वारा वाहविला, [QBR] आणि त्याच्या सामर्थ्याने त्याने दक्षिणेच्या वाऱ्याला मार्ग दाखवला. [QBR]
27. त्याने त्यांच्यावर धुळीप्रमाणे मांसाचा [QBR] आणि समुद्रातील वाळूप्रमाणे असंख्य पक्षांचा वर्षाव केला. [QBR]
28. ते त्यांच्या छावणीच्यामध्ये पडले, [QBR] त्यांच्या तंबूच्या सर्व सभोवती पडले. [QBR]
29. मग त्यांनी ते खाल्ले आणि तृप्त झाले. त्यांच्या हावेप्रमाणे त्याने त्यांना दिले. [QBR]
30. पण अजून त्यांची तृप्ती झाली नव्हती; [QBR] त्यांचे अन्न त्यांच्या तोडांतच होते. [QBR]
31. त्याच क्षणाला, देवाच्या कोपाने त्याच्यावर हल्ला केला, [QBR] आणि त्यांच्यातील बलवानास मारून टाकले. [QBR] त्याने इस्राएलाच्या तरुणास हाणून पाडले. [QBR]
32. इतके झाले तरी ते पाप करितच राहीले, [QBR] आणि त्यांनी त्याच्या आश्चर्यकारक कृत्यांवर विश्वास ठेवला नाही. [QBR]
33. म्हणून देवाने त्यांचे दिवस थोडके केले; [QBR] त्यांचे आयुष्य भयानक भयात संपवले. [QBR]
34. जेव्हा कधी देवाने त्यांना पीडिले, तेव्हा त्यांनी त्याचा शोध घेण्यास सुरवात केली. [QBR] उत्सुकतेने ते त्याच्याकडे वळले. [QBR]
35. देव आमचा खडक आहे, [QBR] आणि परात्पर देव आमचा सोडवणारा याची आठवण त्यांना झाली. [QBR]
36. पण त्यांनी आपल्या मुखाने त्याची खोटी स्तुती केली [QBR] आणि आपल्या जीभेने त्याच्याजवळ लबाडी केली. [QBR]
37. कारण त्यांचे मन त्यांच्याठायी स्थिर नव्हते, [QBR] आणि ते त्याच्या कराराशी एकनिष्ठ नव्हते. [QBR]
38. परंतु तो दयाळू असल्यामुळे त्यांच्या अपराधांची क्षमा करतो आणि त्याने त्यांचा नाश केला नाही. [QBR] होय, तो अनेक वेळा आपला राग आवरून धरतो, [QBR] आणि आपला सर्व राग भडकू देत नाही. [QBR]
39. ती केवळ देह आहेत, [QBR] वारा वाहून निघून जातो आणि तो परत येत नाही याची त्याने आठवण केली. [QBR]
40. त्यांनी किती वेळा रानात त्याच्याविरुध्द बंडखोरी केली, [QBR] आणि पडिक प्रदेशात त्यांनी त्यास दु:खी केले. [QBR]
41. पुन्हा आणि पुन्हा देवाला आव्हान केले, [QBR] आणि इस्राएलाच्या पवित्र प्रभूला खूप दु:खविले. [QBR]
42. त्यांनी त्याच्या सामर्थ्याविषयी विचार केला नाही, [QBR] त्याने त्यांना शत्रूपासून कसे सोडवले होते. [QBR]
43. मिसरात जेव्हा त्याने आपली घाबरून सोडणारी चिन्हे [QBR] आणि सोअनाच्या प्रांतात आपले चमत्कारही दाखविले ते विसरले. [QBR]
44. त्याने मिसऱ्यांच्या नद्यांचे रक्तात रुपांतर केले. [QBR] म्हणून त्याच्या प्रवाहातील पाणी त्यांच्याने पिववेना. [QBR]
45. त्याने चावणाऱ्या माशांचे थवे पाठवले त्यांनी त्यांना खाऊन टाकले, [QBR] आणि बेडकांनी त्यांचा देश आच्छादला. [QBR]
46. त्याने त्यांची पिके नाकतोड्यांच्या हवाली [QBR] आणि त्यांच्या श्रमाचे फळ टोळाला दिले. [QBR]
47. त्याने गारांनी त्यांच्या द्राक्षवेलींचा [QBR] आणि त्यांच्या उंबराच्या झाडांचा नाश बर्फाने केला. [QBR]
48. त्याने त्यांची गुरेढोरे गारांच्या [QBR] व त्यांचे कळप विजांच्या हवाली केली. [QBR]
49. त्यांने आपल्या भयंकर रागाने त्यांच्याविरुद्ध तडाखे दिले. [QBR] त्याने अरिष्ट आणणाऱ्या प्रतिनीधीप्रमाणे आपला क्रोध, प्रकोप आणि संकट पाठवले. [QBR]
50. त्याने आपल्या रागासाठी मार्ग सपाट केला; [QBR] त्याने त्यांना मरणापासून वाचविले नाही [QBR] पण त्याने त्यांना मरीच्या हवाली केले. [QBR]
51. त्याने मिसरमध्ये प्रथम जन्मलेले सर्व, [QBR] हामाच्या तंबूतील [* हामचे तंबू हा मिसरबद्दल बोलण्याचा एक मार्ग आहे (105:23, 27; 106:22 पहा, जिथे मिसरला “हामची भूमी असे म्हटले आहे”). हाम हा नोहाच्या मुलांपैकी एक होता, आणि त्याला मिसरी लोकांचा पूर्वज म्हटले गेले (उत्पत्ती 10:6 पहा).] त्यांच्या शक्तीचे प्रथम जन्मलेले मारून टाकले. [QBR]
52. त्याने आपल्या लोकांस मेंढरांसारखे बाहेर नेले [QBR] आणि त्याने त्याच्या कळपाप्रमाणे रानातून नेले. [QBR]
53. त्याने त्यांना सुखरुप आणि न भीता मार्गदर्शन केले, [QBR] पण समुद्राने त्यांच्या शत्रूंना बुडवून टाकले. [QBR]
54. आणि त्याने त्यास आपल्या पवित्र देशात, [QBR] हा जो पर्वत आपल्या उजव्या हाताने मिळवला त्याकडे आणले. [QBR]
55. त्याने त्यांच्यापुढून राष्ट्रांना हाकलून लावली, [QBR] आणि त्यांना त्यांची वतने सूत्राने मापून नेमून दिली; आणि त्यांच्या तंबूत इस्राएलाचे वंश वसविले. [QBR]
56. तरी त्यांनी परात्पर देवाला आव्हान दिले आणि त्याच्याविरुध्द बंडखोरी केली, [QBR] आणि त्यांनी त्याच्या आज्ञा पाळल्या नाहीत. [QBR]
57. ते आपल्या पूर्वजाप्रमाणे अविश्वासू होते आणि त्यांनी विश्वासघातकी कृत्ये केली; [QBR] फसव्या धनुष्याप्रमाणे ते स्वतंत्रपणे वळणारे होते. [QBR]
58. कारण त्यांनी आपल्या उंच जागा बांधल्या आणि देवाला क्रोधित केले [QBR] आणि आपल्या कोरीव मूर्तींमुळे त्यास आवेशाने कोपविले. [QBR]
59. जेव्हा देवाने हे ऐकले, तो रागावला, [QBR] आणि त्याने इस्राएलाला पूर्णपणे झिडकारले. [QBR]
60. त्याने शिलोतले [† शिलो हे शहर एफ्राइमाच्या कुळाचा प्रदेश होते, जेथे इस्राएलाच्या इतिहासाच्या सुरवातीच्या दिवसात कराराचा कोश ठेवण्यात आला होता (यहो. 18:1; 1 शमु. 1:3 पहा). ] पवित्रस्थान सोडून दिले, [QBR] ज्या तंबूत लोकांच्यामध्ये तो राहत होता. [QBR]
61. त्याने आपल्या सामर्थ्याचा कोश बंदिवासात जाण्याची परवानगी दिली, [QBR] आणि आपले गौरव शत्रूच्या हातात दिले. [QBR]
62. त्याने आपले लोक तलवारीच्या स्वाधीन केले, [QBR] आणि आपल्या वतनावर तो रागावला. [QBR]
63. अग्नीने त्यांच्या तरुण मनुष्यास खाऊन टाकले, [QBR] आणि त्यांच्या तरुण स्रीयांना लग्नगीते लाभली नाहीत. [QBR]
64. त्यांचे याजक तलवारीने पडले, [QBR] आणि त्यांच्या विधवा त्यांच्यासाठी रडल्या नाहीत. [QBR]
65. मग प्रभू झोपेतून जागा झालेल्या मनुष्यासारखा उठला, [QBR] द्राक्षरसामुळे आरोळी मारणाऱ्या सैनिकासारखा तो उठला. [QBR]
66. त्याने आपल्या शत्रूंना मारून मागे हाकलले; [QBR] त्याने त्यांची कायमची नामुष्की केली. [QBR]
67. त्याने योसेफाचा तंबू नाकारला, [QBR] आणि त्याने एफ्राईमाच्या वंशाचा स्वीकार केला नाही. [QBR]
68. त्याने यहूदाच्या वंशाला निवडले, [QBR] आणि आपला आवडता सियोन पर्वत निवडला. [QBR]
69. उंच आकाशासारखे व आपण सर्वकाळ स्थापिलेल्या [QBR] पृथ्वीसारखे त्याने आपले पवित्रस्थान बांधले. [QBR]
70. त्याने आपला सेवक दावीदाला निवडले, [QBR] आणि त्यास त्याने मेंढरांच्या कोंडवाड्यांतून घेतले. [QBR]
71. आपले लोक याकोब व आपले वतन इस्राएल यांचे पालन [QBR] करण्यास त्याने त्यास दुभत्या मेंढ्याच्या मागून काढून आणले. [QBR]
72. दावीदाने आपल्या मनाच्या सरळतेने त्याचे पालन केले, [QBR] आणि आपल्या हातच्या कौशल्याने त्यास मार्ग दाखविला. [PE]