1. {इस्त्राएल लोकांस परत आणण्यासाठी काकळूता} [PS] हे इस्राएलाच्या मेंढपाळा, [QBR] जो तू योसेफाला कळपाप्रमाणे चालवितोस तो तू लक्ष दे. [QBR] जो तू करुबांच्यावर बसतोस, आम्हावर प्रकाश पाड. [QBR]
2. एफ्राइम आणि बन्यामीन व मनश्शे यांच्यासमोर तू आपल्या सामर्थ्याने खळबळ उडव; [QBR] ये व आम्हास वाचव. [QBR]
3. हे देवा, तू आमचा पुन्हा स्वीकार कर; [QBR] आपला मुखप्रकाश आम्हावर पाड आणि आम्ही वाचू. [QBR]
4. हे परमेश्वरा, सेनाधीश देवा, [QBR] तुझे लोक प्रार्थना करीत असता तू किती वेळ कोपलेला राहशील? [QBR]
5. तू त्यांना अश्रूंची भाकर खावयास दिली आहे. [QBR] आणि मोठ्या प्रमाणात आसवे पिण्यास दिली आहेत. [QBR]
6. तू आम्हास आमच्या शेजाऱ्यांच्या भांडणाचे निमित्त करतोस, [QBR] आणि आमचे शत्रू आपसात आम्हास हसतात. [QBR]
7. हे सेनाधीश देवा, पुन्हा आमचा स्वीकार कर. [QBR] आपला मुखप्रकाश आम्हावर पाड आणि आम्हास वाचव. [QBR]
8. मिसर देशातून तू द्राक्षवेल काढून आणिला; [QBR] राष्ट्रांना घालवून देऊन तो त्यांच्या भूमीत लाविला. [QBR]
9. तू त्याकरता जागा तयार केली; [QBR] त्याने मूळ धरले आणि देश भरून टाकला. [QBR]
10. त्याच्या सावलीने पर्वत, [QBR] त्याच्या फांद्यांनी देवाचे उच्च गंधसरू आच्छादून टाकले. [QBR]
11. त्याने आपल्या फांद्या समुद्रापर्यंत [QBR] आणि आपले कोंब फरात नदीपर्यंत पाठविले. [QBR]
12. तू त्यांची कुंपणे कां मोडली? [QBR] त्यामुळे वाटेने येणारे जाणारे सगळे त्याचे फळ तोडतात. [QBR]
13. रानडुकरे येऊन त्याची नासधूस करतात. [QBR] आणि रानटी पशू त्यास खाऊन टाकतात. [QBR]
14. हे सेनाधीश देवा, तू मागे फिर; [QBR] स्वर्गातून खाली बघ आणि लक्ष पुरव आणि या द्राक्षवेलीची काळजी घे. [QBR]
15. हे मूळ तू आपल्या उजव्या हाताने लाविले आहे, [QBR] जो कोंब तू आपणासाठी सबळ केला आहे त्याचे रक्षण कर. [QBR]
16. ती अग्नीने जळाली आहे आणि ती तोडून टाकली आहे; [QBR] तुझ्या मुखाच्या धमकीने तुझे शत्रू नष्ट होतात. [QBR]
17. तुझ्या उजव्या हाताला असलेल्या मनुष्यावर, [QBR] तू आपल्यासाठी बलवान केलेल्या मानवपुत्रावर तुझा हात राहो; [QBR]
18. मग आम्ही तुझ्यापासून मागे फिरणार नाही; [QBR] तू आम्हास जिवंत कर आणि आम्ही तुझ्या नावाचा धावा करू. [QBR]
19. हे परमेश्वरा, सेनाधीश देवा, तू आम्हास परत आण. [QBR] आमच्यावर आपला मुखप्रकाश पाड आणि आमचा बचाव होईल. [PE]