1. {देवाचा चांगुलपणा व इस्त्राएलाचा बंडखोरपणा} [PS] देव जो आमचे सामर्थ्य, त्यास मोठ्याने गा; [QBR] याकोबाच्या देवाचा आनंदाने जयजयकार करा. [QBR]
2. गाणे गा आणि डफ वाजवा, [QBR] मंजुळ वीणा व सतार वाजवा. [QBR]
3. नव चंद्रदर्शनाला, पौर्णिमेस, [QBR] आमच्या सणाच्या दिवसाची सुरवात होते त्या दिवशी एडक्याच्या शिंगाचा कर्णा वाजवा. [QBR]
4. कारण हा इस्राएलासाठी नियम आहे. [QBR] हा याकोबाच्या देवाने दिलेला विधी आहे. [QBR]
5. जेव्हा तो मिसर देशाविरूद्ध गेला, [QBR] तेव्हा त्याने योसेफामध्ये त्याने साक्षीसाठी हा नियम लावला. [QBR] तेथे मला न समजणारी भाषा मी ऐकली. [QBR]
6. मी त्याच्या खांद्यावरचे ओझे काढून टाकले आहे; [QBR] टोपली धरण्यापासून त्याचे हात मोकळे केले आहेत. [QBR]
7. तू संकटात असता आरोळी केली, आणि मी तुला मदत केली; [QBR] मी तुला मेघगर्जनेच्या गुप्त स्थळातून उत्तर दिले; [QBR] मी मरीबाच्या पाण्याजवळ तुमची परीक्षा घेतली. [QBR]
8. अहो माझ्या लोकांनो, माझे ऐका, कारण मी तुम्हास सूचना देतो, [QBR] हे इस्राएला जर तू मात्र माझे ऐकशील तर बरे होईल. [QBR]
9. तुझ्यामध्ये परके देव नसावेत; [QBR] तू कोणत्याही परक्या देवाची उपासना करू नकोस. [QBR]
10. मीच तुझा देव परमेश्वर आहे, [QBR] मीच तुम्हास मिसर देशातून बाहेर आणले. [QBR] तू आपले तोंड चांगले उघड आणि मी ते भरीन. [QBR]
11. परंतु माझ्या लोकांनी माझी वाणी ऐकली नाही; [QBR] इस्राएलाने माझी आज्ञा पाळली नाही. [QBR]
12. म्हणून मी त्यांना त्यांच्या हटवादी मार्गाने वागू दिले, [QBR] अशासाठी की जे त्यांच्या दृष्टीने योग्य आहे ते त्यांनी करावे. [QBR]
13. अहा, जर माझे लोक माझे ऐकतील; [QBR] अहा, जर माझे लोक माझ्या मार्गाने चालतील तर बरे होईल! [QBR]
14. मग मी त्यांच्या शत्रूंचा त्वरेने पराभव करीन [QBR] आणि अत्याचार करणाऱ्याविरूद्ध आपला हात फिरवीन. [QBR]
15. परमेश्वराचा द्वेष करणारे भितीने त्याच्यापुढे दबून जातील. [QBR] ते सर्वकाळ अपमानीत राहतील. [QBR]
16. मी इस्राएलास उत्तम गहू खाण्यास देईन; [QBR] मी तुला खडकातल्या मधाने तृप्त करीन. [PE]