1. {इस्त्राएलाच्या शत्रूंच्या नाशासाठी प्रार्थना} [PS] हे देवा, गप्प राहू नकोस. [QBR] हे देवा, आमच्याकडे दुर्लक्ष करू नको आणि स्वस्थ राहू नकोस. [QBR]
2. पाहा, तुझे शत्रू गलबला करीत आहेत, [QBR] आणि जे तुझा द्वेष करतात त्यांनी आपले डोके उंच केले आहे. [QBR]
3. ते तुझ्या लोकांविरूद्ध गुप्त योजना आखतात. [QBR] आणि ते एकत्र मिळून तुझ्या आश्रितांविरूद्ध योजना करतात. [QBR]
4. ते म्हणतात, “या आणि आपण त्यांचा एक राष्ट्र म्हणून नाश करू. [QBR] यानंतर इस्राएलाचे नावही आणखी आठवणित राहणार नाही. [QBR]
5. त्यांनी एकमताने, एकत्र मिळून मसलत केली आहे, [QBR] ते तुझ्याविरूद्ध करार करतात. [QBR]
6. ते तंबूत राहणारे अदोमी आणि इश्माएली, मवाब आणि हगारी, [QBR]
7. गबाल, अम्मोन व अमालेकचे, पलिष्टी आणि सोरकर हे ते आहेत. [QBR]
8. अश्शूरानेही त्यांच्याशी करार केला आहे; [QBR] ते लोटाच्या वंशजांना मदत करीत आहेत. [QBR]
9. तू जसे मिद्यानाला, [QBR] सीसरा व याबीन यांना किशोन नदीजवळ केलेस तसेच तू त्यांना कर. [QBR]
10. ते एन-दोर येथे नष्ट झाले, [QBR] आणि ते भूमीला खत झाले. [QBR]
11. तू ओरेब व जेब यांच्यासारखे त्यांच्या उमरावांना कर, [QBR] जेबह व सलमुन्ना यांच्यासारखे त्यांच्या सर्व सरदारांचे कर. [QBR]
12. ते म्हणाले, देवाची निवासस्थाने [QBR] आपण आपल्या ताब्यात घेऊ. [QBR]
13. हे माझ्या देवा, तू त्यांना वावटळीच्या धुरळ्यासारखे, [QBR] वाऱ्यापुढील भुसासारखे तू त्यांना कर. [QBR]
14. अग्नी जसा वनाला जाळतो, [QBR] व ज्वाला जशी डोंगराला पेटवते. [QBR]
15. तसा तू आपल्या वादळाने त्यांचा पाठलाग कर, [QBR] आणि आपल्या तुफानाने त्यांना घाबरून सोड. [QBR]
16. हे परमेश्वरा, त्यांची चेहरे लज्जेने भर [QBR] यासाठी की, त्यांनी तुझ्या नावाचा शोध करावा. [QBR]
17. ते सदासर्वकाळ लज्जित व घाबरे होवोत; [QBR] ते लज्जित होऊन नष्ट होवोत. [QBR]
18. नंतर तू, मात्र तूच परमेश्वर, [QBR] या नावाने सर्व पृथ्वीवर परात्पर आहेस असे त्यांना कळेल. [PE]