1. {देवाने सर्वदा दया करावी म्हणून प्रार्थना} [PS] हे परमेश्वरा, माझे ऐक, आणि मला उत्तर दे, [QBR] कारण मी दीन आणि दरिद्री आहे. [QBR]
2. माझे रक्षण कर, कारण मी तुझा निष्ठावंत आहे; [QBR] हे माझ्या देवा, तुझ्यावर विश्वास ठेवणाऱ्या सेवकाचे रक्षण कर. [QBR]
3. हे प्रभू, माझ्यावर दया कर, [QBR] कारण मी दिवसभर तुला हाक मारतो. [QBR]
4. हे प्रभू, आपल्या सेवकाचा जीव आनंदित कर, [QBR] कारण मी आपला जीव वर तुझ्याकडे लावतो. [QBR]
5. हे प्रभू, तू उत्तम आहेस आणि क्षमा करण्यास तयार आहेस, [QBR] आणि जे सर्व तुला हाक मारतात त्यांना तू महान दया दाखवतोस. [QBR]
6. हे परमेश्वरा, माझ्या प्रार्थनेला कान दे; [QBR] माझ्या काकुळतीच्या वाणीकडे लक्ष दे. [QBR]
7. हे परमेश्वरा, मी आपल्या संकटाच्या दिवसात तुला हाक मारीन, [QBR] कारण तू मला उत्तर देशील. [QBR]
8. हे प्रभू, देवांमध्ये तुझ्याशी तुलना करता येईल असा कोणीही नाही. [QBR] तुझ्या कृत्यासारखी कोणीतीही कृत्ये नाहीत. [QBR]
9. हे प्रभू, तू निर्माण केलेली सर्व राष्ट्रे येतील आणि तुझ्यापुढे नमन करतील. [QBR] ते तुझ्या नावाला आदर देतील. [QBR]
10. कारण तू महान आहेस व तू आश्चर्यकारक गोष्टी करतोस; [QBR] तूच फक्त देव आहेस. [QBR]
11. हे परमेश्वरा, मला तुझे मार्ग शिकव, मग मी तुझ्या सत्यात चालेन. [QBR] तुझ्या नावाचे भय धरण्यास माझे चित्त एकाग्र कर. [QBR]
12. हे प्रभू, माझ्या देवा, मी अगदी आपल्या मनापासून तुझी स्तुती करीन; [QBR] मी सर्वकाळ तुझ्या नावाचे गौरव करीन. [QBR]
13. कारण माझ्यावर तुझी महान दया आहे; [QBR] तू माझा जीव मृत्यूलोकापासून सोडवला आहेस. [QBR]
14. हे देवा, उद्धट लोक माझ्याविरूद्ध उठले आहेत. [QBR] हिंसाचारी लोकांची टोळी माझा जीव घेण्यास पाहत आहे. [QBR] त्यांना तुझ्यासाठी काही आदर नाही. [QBR]
15. तरी हे प्रभू, तू दयाळू आणि कृपाळू देव आहेस. [QBR] मंदक्रोध, आणि दया व सत्य यामध्ये विपुल आहेस. [QBR]
16. तू माझ्याकडे वळून माझ्यावर कृपा कर; [QBR] तू आपल्या दासास आपले सामर्थ्य दे; [QBR] आपल्या दासीच्या मुलाचे तारण कर. [QBR]
17. हे परमेश्वरा, तुझ्या अनुग्रहाचे चिन्ह दाखव. [QBR] कारण तू माझे साहाय्य व सांत्वन केले आहे. [QBR] मग माझा द्वेष करणाऱ्यांनी ते पाहावे, आणि लज्जित व्हावे. [PE]