1. {देवाच्या चांगुलपणाबद्दल उपकारस्तुती} [PS] परमेश्वराची उपकारस्तुती करणे [QBR] आणि हे परात्परा, तुझ्या नावाला स्तुती गाणे ही चांगली गोष्ट आहे. [QBR]
2. सकाळी तुझे वात्सल्य, [QBR] आणि प्रत्येकरात्री तुझ्या सत्यतेबद्दल निवेदन करणे. [QBR]
3. दहा तारांचे वाद्य, वीणेवर [QBR] आणि सतारीवर संगीत वाजवणे चांगले आहे. [QBR]
4. कारण हे परमेश्वरा, तू आपल्या कृतीने मला हर्षित केले आहे. [QBR] तुझ्या हातच्या कृत्यांविषयी मी आनंदाने गाईन. [QBR]
5. हे परमेश्वरा, तुझी कृत्ये किती महान आहेत, [QBR] तुझे विचार फार गहन आहेत. [QBR]
6. पशुतुल्य मनुष्यास ते कळत नाहीत, [QBR] किंवा मूर्खाला ती समजत नाहीत, [QBR]
7. दुष्ट गवताप्रमाणे उगवले, [QBR] आणि सर्व वाईट करणारे भरभराटीस आले; [QBR] तरीही त्यांचा कायमचा शेवटचा नाश ठरलेला आहे. [QBR]
8. परंतु हे परमेश्वरा, तू तर सदासर्वकाळ राज्य करशील. [QBR]
9. हे परमेश्वरा, खरोखर, तुझ्या शत्रूंकडे पाहा; [QBR] सर्व वाईट करणारे विखरले आहेत. [QBR]
10. पण तू माझे शिंग रानबैलाच्या शिंगाप्रमाणे उंच केले आहेस; [QBR] मला ताज्या तेलाचा अभिषेक झाला आहे. [QBR]
11. माझ्या डोळ्यांनी माझ्या शत्रूंचा नाश पाहिला आहे; [QBR] जे दुष्कर्मी माझ्यावर उठतात त्यांच्याविषयी माझ्या कानांनी ऐकले आहे. [QBR]
12. नितीमान खजुरीसारखा समृद्ध होईल, [QBR] तो लबानोनावरील गंधसरूसारखा वाढेल. [QBR]
13. जे परमेश्वराच्या घरात लावलेल्या वृक्षासारखे आहेत; [QBR] ते आपल्या देवाच्या अंगणात झपाट्याने वाढतील. [QBR]
14. वृद्धपणातही ते फळ देत राहतील; [QBR] ते टवटवीत आणि हिरवे राहतील. [QBR]
15. हे यासाठी की, परमेश्वर सरळ आहे हे त्यांनी जाहीर करावे; [QBR] तो माझा खडक आहे, आणि त्याच्याठायी काहीच अन्याय नाही. [PE]