1. {#1उपकारस्मरणाचे गीत } [QS]याहो या, आपण परमेश्वराचा जयजयकार करू; [QE][QS]आपल्या तारणाचा खडक त्याचा हर्षाने जयजयकार करू. [QE]
2. [QS]उपकारस्तुती करीत त्याच्या सान्निध्यात प्रवेश करू; [QE][QS]स्तुतीचे स्तोत्रे गात त्याचा जयजयकार करू. [QE]
3. [QS]कराण परमेश्वर महान देव आहे [QE][QS]आणि सर्व देवांहून तो श्रेष्ठ महान राजा आहे. [QE]
4. [QS]त्याच्या हाती पृथ्वीची खोल स्थाने आहेत; [QE][QS]पर्वताची उंच शिखरेही त्याचीच आहेत. [QE]
5. [QS]समुद्र त्याचाच आहे, कारण त्यानेच तो निर्माण केला, [QE][QS]आणि त्याच्या हाताने कोरडी भूमी घडवली गेली. [QE]
6. [QS]याहो या, आपला निर्माणकर्ता परमेश्वर यापुढे गुडघे टेकू, [QE][QS]त्याची उपासना करू, त्यास नमन करू; [QE]
7. [QS]कारण तो आपला देव आहे, [QE][QS]आणि आपण त्याच्या कुरणातील लोक आणि त्याच्या हातातील मेंढरे आहोत. [QE][QS]आज जर तुम्ही त्याची वाणी ऐकाल तर किती बरे होईल. [QE]
8. [QS]मरीबा [* कलह ]येथल्याप्रमाणे किंवा मस्सा [† परीक्षा ]च्या दिवशी रानात केले [QE][QS]तसे आपली मने कठीण करू नका, [QE]
9. [QS]तेव्हा तुमच्या वडिलांनी माझ्या अधिकाराला आव्हान दिले, [QE][QS]आणि जरी त्यांनी माझी कृती पाहिली होती, तरी माझ्या सहनशीलतेची परीक्षा केली. [QE]
10. [QS]चाळीस वर्षे त्या पिढीवर मी रागावलो, [QE][QS]आणि म्हणालो, हे बहकलेल्या मनाचे आहेत; [QE][QS]त्यांनी माझे मार्ग जाणले नाहीत[‡ त्यांनी माझ्या आज्ञा पाळल्या नाहीत ]. [QE]
11. [QS]म्हणून मी आपल्या रागात शपथ वाहिली की, [QE][QS]हे माझ्या विसाव्यात कधीही प्रवेश करणार नाहीत. [QE]