1. [QS](त्या स्त्रीचा प्रियकर तिच्याशी बोलतो) हे राजकन्ये, त्या चपलांमधे तुझे पाय सुंदर दिसतात. [QE][QS]कुशल कारागिराच्या हातच्या दागिन्यासारखा [QE][QS]तुझ्या माड्यांचा बांक आहे. [QE]
2. [QS]तुझी बेंबी गोल कपासारखी आहे, [QE][QS]त्यामध्ये मिश्र द्राक्षरसातील उणीव कधीही नसावी. [QE][QS]तुझे पोट सभोवती कमलपुष्ये ठेवलेल्या गव्हाच्या राशीसारखे आहे. [QE]
3. [QS]तुझी वक्षस्थळे तरुण हरिणीच्या जुळ्या पाडसांसारखी आहेत. [QE]
4. [QS]तुझी मान हस्तिदंती मनोऱ्यासारखी आहे. [QE][QS]तुझे डोळे बाथ-रब्बीमच्या प्रवेशद्वाराजवळ असलेल्या हेशबोनच्या तळ्यांसारखे आहेत. [QE][QS]तुझे नाक दिमिष्काकडे बघणाऱ्या लबानोनाच्या मनोऱ्यासारखे आहे. [QE]
5. [QS]तुझे मस्तक कर्मेलासारखे आहे; [QE][QS]आणि तुझ्या मस्तकावरचे केस जांभळ्या रेशमासारखे आहेत. [QE][QS]तुझे लांब मोकळे केस राजालासुध्दा बांधून ठेवतात. [QE]
6. {#1वधूवराचा आनंद } [QS]अगे प्रिये, आनंदाकरता तू किती सुंदर आहेस [QE][QS]व किती गोड आहेस. [QE]
7. [QS]तुझी उंची खजुरीच्या झाडासारखी [QE][QS]आणि तुझे वक्ष त्याच्या फळांच्या घोसासारखे आहेत. [QE]
8. [QS]मी विचार केला, मी खजुरीच्या झाडावर चढेन, [QE][QS]त्याच्या फांद्यांना धरीन. [QE][QS]तुझी वक्षस्थळे द्राक्षाच्या घोसासारखी [QE][QS]आणि तुझ्या श्वासाचा सुगंध सफरचंदासारखा असू दे. [QE]
9. [QS]तुझे चुंबन सर्वात उंची द्राक्षरसाप्रमाणे आहे. [QE][QS]तो घशात नीट उतरतो व झोपलेल्यांच्या ओठांवरून सहज गळतो. [QE]
10. [QS](ती तरुण स्त्री आपल्या प्रियकराबरोबर बोलते) मी आपल्या प्रियकराची आहे, त्याचे मन माझ्यावर बसले आहे. [QE]
11. [QS]माझ्या प्रियकरा, ये आपण बाहेर पटांगणांत जाऊ. [QE][QS]आपण खेड्यात रात्र घालवू. [QE]
12. [QS]आपण सकाळी लवकर उठून द्राक्षाच्या मळ्यात जाऊ. [QE][QS]द्राक्षाच्या वेली फुलल्या आहेत की नाहीत ते पाहू. [QE][QS]आणि जर डाळिंब बहरत असतील तर प्रियकरा, [QE][QS]तेथे मी तुला माझे प्रेम अर्पण करीन. [QE]
13. [QS]पुत्रदात्रीचा[* एका झाडाचे खूप मधुर सुवास देणारे फुल, ज्यापासून लैंगिक इच्छा जागृत करणारे आणि प्रजनन क्षमता वाढवणारे फळ तयार होते असे मानले जाते. ] सुवास सुटला आहे, [QE][QS]आणि आपल्या दाराजवळ नाना प्रकारची नव्या जुन्या बारांची उत्तम फळे आली आहेत. [QE][QS]माझ्या प्राणप्रिया ती मी तुझ्यासाठी जतन करून ठेवली आहेत. [QE]