1. {#1वधू व यरूशलेमकन्या }
2. [PS]हे शलमोनाचे गीतरत्न आहे: [PE][QS](तरुणी आपल्या प्रियकराशी बोलत आहे) तू माझे मुखचुंबन घे[* तो माझे मुखचुंबन घेवो ], [QE][QS]कारण तुझे प्रेम द्राक्षरसापेक्षा उत्तम आहे. [QE]
3. [QS]तुझ्या अभिषेकाच्या तेलाचा सुगंध मोहक आहे, [QE][QS]तुझे नाव दरवळणाऱ्या सुवासासारखे आहे. त्यामुळेच तरुणी तुझ्यावर प्रेम करतात. [QE]
4. [QS]मला तुझ्याबरोबर ने आणि आपण पळून जाऊ. [QE][QS](तरुणी स्वतःशीच बोलते) राजाने मला त्याच्या अंतःपुरात आणले आहे. [QE][QS](तरुणी तिच्या प्रियकराबरोबर बोलत आहे) मी आनंदीत आहे. मी तुझ्याविषयी आनंदीत आहे. मला तुझे प्रेम साजरे करू दे. ते द्राक्षरसापेक्षा चांगले आहे. [QE]
5. [QS](ती स्त्री दुसऱ्या स्त्रीबरोबर बोलते) अहो, यरूशलेमेच्या कन्यांनो, मी काळीसावळी पण सुंदर आहे. [QE][QS]मी केदारच्या [† हे अरबशी संबंधित इश्माएली कुळातील एक आहे (उत्पत्ती 25.13; यशया 21:16-17; स्तोत्र 120:5 पहा). हे कुळ सामान्यतः काळ्या तंबूमध्ये राहत होते, म्हणून केदाराचा संदर्भ काळ्या रंगाच्या तरुण स्त्रीशी केला आहे. ]तंबूसारखी काळी आणि [QE][QS]शलमोनाच्या पडद्यासारखी सुंदर आहे. [QE]
6. [QS]मी काळी आहे म्हणून माझ्याकडे टक लावून पाहू नका. [QE][QS]कारण सूर्याने मी होरपळले आहे. [QE][QS]माझे स्वतःचे भाऊ[‡ माझ्या आईची मुले ] माझ्यावर रागावले होते. [QE][QS]त्यांनी मला द्राक्षांच्या मळ्याची राखण करण्यास ठेवले. [QE][QS]परंतु मी आपल्या स्वत:च्या द्राक्षमळ्याची काळजी घेतली नाही. [QE]
7. [QS](ती स्त्री तिच्या प्रियकराबरोबर बोलत आहे) माझ्या जीवाच्या प्रियकरा, मला सांग: [QE][QS]तो तू तुझा कळप कोठे चारतोस? [QE][QS]तू तुझ्या कळपाला दुपारी कोठे विसावा देतोस? [QE][QS]तुझ्या सोबत्यांच्या कळपाजवळ भटकणाऱ्यांसारखी मी का व्हावे? [QE]
8. [QS](तिचा प्रियकर तिला उत्तर देतो) हे परम सुंदरी, [QE][QS]जर तुला काय करायचे ते माहीत नाही तर [QE][QS]माझ्या कळपाच्या मागे जा. [QE][QS]तुझ्या लहान बकऱ्यांना मेंढपाळाच्या तंबूजवळच्या कुरणात चार. [QE]
9. {#1वधूवर } [QS]माझ्या प्रिये, फारोच्या रथाच्या घोड्यांतल्या एका घोडीशी मी तुझी तुलना करतो. [QE]
10. [QS]तुझे सुंदर गाल सोन्याने अलंकृत केले आहेत. [QE][QS]तुझी मान मोत्यांच्या हारांनी सुंदर दिसत आहे. [QE]
11. [QS]मी तुझ्यासाठी चांदीचे टिके लाविलेले [QE][QS]सोन्याचे दागिने करेन. [QE]
12. [QS](ती स्त्री स्वतःशीच बोलते) राजा आपल्या पलंगावर [§ मेजावर ]असता [QE][QS]माझ्या जटामांसीचा सुगंध पसरला. [QE]
13. [QS]माझ्या वक्षस्थळांमध्ये रात्रभर विसावलेला, [QE][QS]माझा प्रियकर माझ्या गळ्यात असलेल्या गंधरसाच्या पुडीसारखा मला आहे. [QE]
14. [QS]माझा प्रियकर एन-गेदी[* हा मृत समुद्राच्या नैऋत्य किनाऱ्यावरील एक हिरवळीचा प्रदेश आहे, त्याला उत्साहवर्धक आणि उपजाऊ स्थान म्हणून ओळखले जाते, कारण त्यामधून एक झरा वाहतो. ]मधील [QE][QS]द्राक्षाच्या मळ्याजवळील मेंदीच्या फुलांच्या गुच्छासारखा आहे. [QE]
15. [PS](तिचा प्रियकर तिच्याशी बोलतो) पाहा माझ्या प्रिये, तू किती सुंदर आहेस! [PE][QS]तू फारच सुंदर आहेस. [QE][QS]तुझे डोळे कबुतरासारखे आहेत. [QE]
16. [QS](तरुणी आपल्या प्रियकराशी बोलते) पाहा, माझ्या प्रियकरा, तू देखणा आहेस, तू किती देखणा आहेस. [QE][QS]आपला बिछाना किती आल्हाददायक आणि सुखावह आहे. [QE]
17. [QS]आपल्या घराच्या तुळ्या गंधसरूच्या लाकडाच्या आहेत. [QE][QS]आणि छताचे वासे देवदारुच्या लाकडाचे आहे. [QE]