1. {#1देव ईयोबाला त्याचे अज्ञान पटवून देतो [BR]उत्प. 1:1-10 }
2. [PS]नंतर परमेश्वर वावटळीतून ईयोबाशी बोलला आणि तो म्हणाला, [PE][QS]कोण आहे जो माझ्या योजनांवर अंधार पाडतो, [QE][QS]म्हणजे ज्ञानाविना असलेले शब्द? [QE]
3. [QS]आता तू पुरूषासारखी आपली कंबर बांध, [QE][QS]मी तुला प्रश्न विचारील, आणि तू मला उत्तर दे. [QE]
4. [QS]मी पृथ्वी निर्माण केली तेव्हा तू कुठे होतास? [QE][QS]तू स्वत:ला इतका शहाणा समजत असशील तर मला उत्तर दे. [QE]
5. [QS]जग इतके मोठे असावे हे कोणी ठरवले ते सांग? [QE][QS]मोजण्याच्या दोरीने ते कोणी मोजले का? [QE]
6. [QS]तीचा पाया कशावर घातला आहे? [QE][QS]तिची कोनशिला कोणी ठेवली? [QE]
7. [QS]जेव्हा ते घडले तेव्हा पहाटेच्या ताऱ्यांनी गायन केले [QE][QS]आणि देवपुत्रांनी आनंदाने जयजयकार केला. [QE]
8. [QS]जेव्हा समुद्र पृथ्वीच्या पोटातून बाहेर पडला [QE][QS]तेव्हा दरवाजे बंद करून त्यास कोणी अडवला? [QE]
9. [QS]त्यावेळी मी त्यास मेघांनी झाकले [QE][QS]आणि काळोखात गुंडाळले. [QE]
10. [QS]मी समुद्राला मर्यादा घातल्या [QE][QS]आणि त्यास कुलुपांनी बंद केलेल्या दरवाजाबाहेर थोपविले. [QE]
11. [QS]मी म्हणालो, तू इथपर्यंतच येऊ शकतोस या पलिकडे मात्र नाही. [QE][QS]तुझ्या उन्मत्त लाटा इथेच थांबतील. [QE]
12. [QS]तुझ्या आयुष्यात तू कधीतरी पहाटेला आरंभ करायला [QE][QS]आणि दिवसास सुरु व्हायला सांगितलेस का? [QE]
13. [QS]तू कधीतरी पहाटेच्या प्रकाशाला पृथ्वीला पकडून [QE][QS]दुष्ट लोकांस त्यांच्या लपायच्या जागेतून हुसकायला सांगितलेस का? [QE]
14. [QS]पहाटेच्या प्रकाशात डोंगरदऱ्या नीट दिसतात. [QE][QS]दिवसाच्या प्रकाशात या जगाचा आकार अंगरख्याला असलेल्या घडीप्रमाणे ठळक दिसतात [QE]
15. [QS]दुष्टांपासून त्यांचा प्रकाश काढून घेतला आहे [QE][QS]आणि त्यांचा उंच भूज मोडला आहे. [QE]
16. [QS]सागराला जिथे सुरुवात होते तिथे अगदी खोल जागेत तू कधी गेला आहेस का? [QE][QS]समुद्राच्या तळात तू कधी चालला आहेस का? [QE]
17. [QS]मृत्युलोकात नेणारे दरवाजे तू कधी पाहिलेस का? [QE][QS]काळोख्या जगात नेणारे दरवाजे तू कधी बघितलेस का? [QE]
18. [QS]ही पृथ्वी किती मोठी आहे ते तुला कधी समजले का? [QE][QS]तुला जर हे सर्व माहीत असेल तर मला सांग. [QE]
19. [QS]प्रकाश कुठून येतो? [QE][QS]काळोख कुठून येतो? [QE]
20. [QS]तू प्रकाशाला आणि काळोखाला ते जिथून आले तेथे परत नेऊ शकशील का? [QE][QS]तिथे कसे जायचे ते तुला माहीत आहे का? [QE]
21. [QS]तुला या सर्व गोष्टी नक्कीच माहीत असतील [QE][QS]तू खूप वृध्द आणि विद्वान आहेस मी तेव्हा या गोष्टी निर्माण केल्या तेव्हा तू जिवंत होतास होय ना? [QE]
22. [QS]मी ज्या भांडारात हिम आणि [QE][QS]गारा ठेवतो तिथे तू कधी गेला आहेस का? [QE]
23. [QS]मी बर्फ आणि गारांचा साठा संकटकाळासाठी, [QE][QS]युध्द आणि लढाईच्या दिवसांसाठी करून ठेवतो. [QE]
24. [QS]सूर्य उगवतो त्याठिकाणी तू कधी गेला आहेस का? [QE][QS]पूर्वेकडचा वारा जिथून सर्व जगभर वाहातो तिथे तू कधी गेला आहेस का? [QE]
25. [QS]जोरदार पावसासाठी आकाशात पाट कोणी खोदले? [QE][QS]गरजणाऱ्या वादळासाठी कोणी मार्ग मोकळा केला? [QE]
26. [QS]वैराण वाळवंटात देखील कोण पाऊस पाडतो? [QE]
27. [QS]निर्जन प्रदेशात पावसाचे खूप पाणी पडते आणि गवत उगवायला सुरुवात होते. [QE]
28. [QS]पावसास वडील आहेत का? [QE][QS]दवबिंदू कुठून येतात? [QE]
29. [QS]हिम कोणाच्या गर्भशयातून निघाले आहे? [QE][QS]आकाशातून पडणाऱ्या हिमकणास कोण जन्म देतो? [QE]
30. [QS]पाणी दगडासारखे गोठते. [QE][QS]सागराचा पृष्ठभागदेखील गोठून जातो. [QE]
31. [QS]तू कृत्तिकांना बांधून ठेवू शकशील का? [QE][QS]तुला मृगशीर्षाचे बंध सोडता येतील का? [QE]
32. [QS]तुला राशीचक्र योग्यवेळी आकाशात आणता येईल का? [QE][QS]किंवा तुला सप्तऋर्षो त्यांच्या समूहासह मार्ग दाखवता येईल का? [QE]
33. [QS]तुला आकाशातील नियम माहीत आहेत का? [QE][QS]तुला त्याच नियमांचा पृथ्वीवर उपयोग करता येईल का? [QE]
34. [QS]तुला मेघावर ओरडून [QE][QS]त्यांना तुझ्यावर वर्षाव करायला भाग पाडता येईल का? [QE]
35. [QS]तुला विद्युतलतेला आज्ञा करता येईल का? [QE][QS]ती तुझ्याकडे येऊन. आम्ही आलो आहोत काय आज्ञा आहे? [QE][QS]असे म्हणेल का? तुझ्या सांगण्याप्रमाणे ती हवे तिथे जाईल का? [QE]
36. [QS]लोकांस शहाणे कोण बनवतो? [QE][QS]त्यांच्यात अगदी खोल शहाणपण कोण आणतो? [QE]
37. [QS]ढग मोजण्याइतका विद्वान कोण आहे? [QE][QS]त्यांना पाऊस पाडायला कोण सांगतो? [QE]
38. [QS]त्यामुळे धुळीचा चिखल होतो [QE][QS]आणि धुळीचे लोट एकमेकास चिकटतात. [QE]
39. [QS]तू सिंहासाठी अन्न शोधून आणतोस का? [QE][QS]त्यांच्या भुकेल्या पिल्लांना तू अन्न देतोस का? [QE]
40. [QS]ते सिंह त्यांच्या गुहेत झोपतात. [QE][QS]ते गवतावर दबा धरुन बसतात आणि भक्ष्यावर तुटून पडतात. [QE]
41. [QS]कावळ्याला कोण अन्न देतो? [QE][QS]जेव्हा त्याची पिल्ले देवाकडे याचना करतात [QE][QS]आणि अन्नासाठी चारी दिशा भटकतात तेव्हा त्यांना कोण अन्न पुरवतो? [QE]