1. {देवाचे उत्कृष्ट नियमशास्त्र आलेफ} [PS] ज्यांचे मार्ग निर्दोष आहेत, जे परमेश्वराच्या नियमशास्त्राप्रमाणे चालतात [QBR] ते आशीर्वादित आहेत. [QBR]
2. जे त्याच्या आज्ञा प्रामाणिकपणे पाळतात, जे संपूर्ण मनाने त्याचा शोध घेतात [QBR] ते आशीर्वादित आहेत. [QBR]
3. ते चुकीचे करीत नाहीत; [QBR] ते त्याच्या मार्गात चालतात. [QBR]
4. तुझे विधी आम्ही काळजीपूर्वक पाळावे [QBR] म्हणून तू आम्हास आज्ञा दिल्या आहेत. [QBR]
5. मी नेहमी तुझे नियम पाळण्यासाठी [QBR] माझी वागणूक व्यवस्थित असावी, हेच माझे मागणे आहे. [QBR]
6. मी जेव्हा तुझ्या सर्व आज्ञांचा विचार करीन [QBR] तेव्हा मी कधीही लाजणार नाही. [QBR]
7. मी जेव्हा तुझे न्याय्य निर्णय शिकेन, [QBR] तेव्हा मी मनःपूर्वक तुला धन्यवाद देईन. [QBR]
8. मी तुझे नियम पाळीन; [QBR] मला एकट्याला सोडू नकोस.
9. {बेथ} [PS] तरुण मनुष्य आपला मार्ग कशाने शुध्द राखील? [QBR] तुझ्या वचनाचे पालन करण्याने. [QBR]
10. मी आपल्या मनापासून तुझा शोध केला आहे; [QBR] तुझ्या आज्ञांपासून मला बहकू देऊ नकोस. [QBR]
11. मी तुझ्याविरुध्द पाप करू नये [QBR] म्हणून तुझे वचन आपल्या हृदयात साठवून ठेवले आहे. [QBR]
12. हे परमेश्वरा, तू धन्य आहेस; [QBR] मला तुझे नियम शिकव. [QBR]
13. मी आपल्या मुखाने तुझ्या तोंडचे [QBR] सर्व योग्य निर्णय जे तू प्रकट केले ते जाहीर करीन. [QBR]
14. तुझ्या आज्ञेच्या कराराचा मार्ग हीच माझी सर्व धनसंपत्ती [QBR] असे मानून मी त्यामध्ये अत्यानंद करतो. [QBR]
15. मी तुझ्या नियमांचे मनन करीन, [QBR] आणि तुझ्या मार्गाकडे लक्ष देईन. [QBR]
16. मी तुझ्या नियमांनी आनंदित होईन; [QBR] मी तुझे वचन विसरणार नाही.
17. {गीमेल} [PS] आपल्या सेवकावर दया कर याकरिता की; मी जिवंत रहावे, [QBR] आणि तुझे वचन पाळावे. [QBR]
18. माझे डोळे उघड म्हणजे [QBR] तुझ्या नियमशास्रातील अद्भुत गोष्टी माझ्या दृष्टीस पडतील. [QBR]
19. मी या देशात परका आहे; [QBR] तुझ्या आज्ञा माझ्यापासून लपवू नकोस. [QBR]
20. तुझ्या योग्य निर्णयांची सतत उत्कंठा धरल्यामुळे [QBR] माझा जीव चिरडून गेला आहे. [QBR]
21. तू गर्विष्ठांना रागावतोस, [QBR] तुझ्या आज्ञापासून भरकटतात ते शापित आहेत. [QBR]
22. माझ्यापासून लाज आणि मानहानी दूर कर, [QBR] कारण मी तुझ्या कराराची आज्ञा पाळली आहे. [QBR]
23. अधिपतीही माझ्याविरूद्ध कट रचतात आणि निंदा करतात, [QBR] तुझा सेवक तुझ्या नियमांचे मनन करतो. [QBR]
24. तुझ्या कराराची आज्ञा मला आनंददायी आहे, [QBR] आणि ते माझे सल्लागार आहेत.
25. {दालेथ} [PS] माझा जीव धुळीस चिकटून आहे; [QBR] आपल्या वचनाप्रमाणे मला नवजीवन दे. [QBR]
26. मी तुला आपले मार्ग सांगितले आणि तू मला उत्तर दिलेस; [QBR] तू मला आपले नियम शिकव. [QBR]
27. मला तुझ्या विधींचा मार्ग समजावून दे. [QBR] यासाठी की, मी तुझ्या आश्चर्यकारक शिक्षणाचे मनन करावे. [QBR]
28. माझा जीव दुःखाने गळून जातो; [QBR] आपल्या वचनाने मला उचलून धर. [QBR]
29. असत्याचा मार्ग माझ्यापासून दूर कर; [QBR] कृपाकरून तुझे नियमशास्त्र मला शिकीव. [QBR]
30. मी विश्वासाचा मार्ग निवडला आहे; [QBR] मी तुझे योग्य निर्णय आपल्यासमोर ठेवले आहेत. [QBR]
31. मी तुझ्या कराराच्या निर्बंधास चिकटून राहिलो आहे; [QBR] हे परमेश्वरा, मला लज्जित होऊ देऊ नकोस. [QBR]
32. मी तुझ्या आज्ञांच्या मार्गात धावेन, [QBR] कारण तू ते करण्यास माझे हृदय विस्तारित करतोस.
33. {हे} [PS] हे परमेश्वरा, तू आपल्या नियमाचा मार्ग मला शिकव [QBR] म्हणजे मी तो शेवटपर्यंत धरून राहिन. [QBR]
34. मला बुद्धी दे म्हणजे मी तुझे नियमशास्त्र पाळीन; [QBR] मी आपल्या अगदी मनापासून ते पाळीन. [QBR]
35. तू आपल्या आज्ञांच्या मार्गाने मला चालीव, [QBR] कारण त्यामध्ये चालण्यास मला आनंद आहे. [QBR]
36. माझे मन तुझ्या कराराच्या निर्बंधाकडे असू दे, [QBR] आणि अन्याय्य लाभापासून दूर कर. [QBR]
37. निरर्थक गोष्टी पाहण्यापासून माझे डोळे वळीव. [QBR] मला तुझ्या मार्गात पुर्नजीवीत कर. [QBR]
38. तुझा सन्मान करणाऱ्यांना दिलेले वचन, [QBR] आपल्या सेवकासंबंधाने खरे कर. [QBR]
39. ज्या अपमानाची मला धास्ती वाटते ती दूर कर, [QBR] कारण तुझे निर्णय उत्तम आहेत. [QBR]
40. पाहा, मला तुझ्या विधींची उत्कंठा लागली आहे. [QBR] तू मला आपल्या न्यायत्वाने मला नवजीवन दे.
41. {वाव} [PS] हे परमेश्वरा, मला तुझे अचल प्रेम दे. [QBR] तुझ्या वचनाप्रमाणे मला तुझे तारण प्राप्त होवो. [QBR]
42. जो माझी थट्टा करतो त्यास मला उत्तर देता येईल, [QBR] कारण मी तुझ्या वचनावर विश्वास ठेवला आहे. [QBR]
43. तू माझ्या मुखातून सत्य वचन काढून घेऊ नको, [QBR] कारण मी तुझ्या योग्य निर्णयाची प्रतिक्षा करतो. [QBR]
44. मी सदैव तुझे नियमशास्त्र, [QBR] सदासर्वकाळ आणि कायम पाळीन. [QBR]
45. मी सुरक्षितपणे चालेन, [QBR] कारण मी तुझे निर्बंध शोधले आहेत. [QBR]
46. मी तुझ्या विधीवत आज्ञेबद्दल राजांसमोर बोलेन, [QBR] आणि मी लज्जित होणार नाही. [QBR]
47. मी तुझ्या आज्ञेत आनंद करीन, [QBR] ज्या मला अतिशय प्रिय आहेत. [QBR]
48. ज्या तुझ्या आज्ञा मला प्रिय आहेत, त्याकडे मी आपले हात उंचावीन; [QBR] मी तुझ्या नियमांचे मनन करीन.
49. {जायिन} [PS] तू आपल्या सेवकाला दिलेल्या वचनाची आठवण ठेव. [QBR] कारण तू मला आशा दिली आहेस. [QBR]
50. माझ्या दुःखात माझे सांत्वन हे आहे की, [QBR] तुझे वचन मला नवजीवन देते; [QBR]
51. गर्विष्ठांनी माझी टवाळी केली आहे, [QBR] तरी मी तुझ्या नियमशास्रापासून भरकटलो नाही. [QBR]
52. हे परमेश्वरा, प्राचीन काळच्या तुझ्या निर्णयाविषयी मी विचार करतो, [QBR] आणि मी आपले समाधान करतो. [QBR]
53. दुष्ट तुझे नियमशास्त्र नाकारतात, [QBR] म्हणून संताप माझा ताबा घेतो. [QBR]
54. ज्या घरात मी तात्पुरता राहतो; [QBR] तुझे नियम मला माझे गीत झाले आहेत. [QBR]
55. हे परमेश्वरा, रात्रीत मी तुझ्या नावाची आठवण करतो, [QBR] आणि मी तुझे नियमशास्त्र पाळतो. [QBR]
56. हे मी आचरिले आहे, [QBR] कारण मी तुझे विधी पाळले आहेत.
57. {खेथ} [PS] परमेश्वर माझा वाटा आहे; [QBR] तुझे वचन पाळण्याचा मी निश्चय केला आहे. [QBR]
58. मी आपल्या संपूर्ण हृदयाने तुझ्या अनुग्रहासाठी कळकळीची विनंती करतो; [QBR] तुझ्या वचनाप्रमाणे माझ्यावर कृपा कर; [QBR]
59. मी आपल्या मार्गाचे परीक्षण केले, [QBR] आणि तुझ्या कराराकडे आपले पावली वळवीली. [QBR]
60. मी तुझ्या आज्ञा पाळण्याची घाई केली, [QBR] आणि मी उशीर केला नाही. [QBR]
61. दुष्टाच्या दोऱ्यांनी मला जाळ्यात पकडले आहे; [QBR] तरी मी तुझे नियमशास्त्र विसरलो नाही. [QBR]
62. मी मध्यरात्री तुझ्या न्याय्य निर्णयांबद्दल [QBR] तुला धन्यवाद देण्यासाठी उठतो. [QBR]
63. तुझे भय धरणाऱ्या सर्वांचा, [QBR] तुझे विधी पाळणाऱ्यांचा, मी साथीदार आहे. [QBR]
64. हे परमेश्वरा, तुझ्या कराराच्या विश्वसनीयतेने सर्व पृथ्वी भरली आहे. [QBR] तू आपले नियम मला शिकव.
65. {ठेथ} [PS] हे परमेश्वरा, तू आपल्या वचनाप्रमाणे, [QBR] आपल्या सेवकाचे चांगले केले आहेस. [QBR]
66. योग्य निर्णय घेण्याविषयीचे ज्ञान आणि बुद्धी तू मला दे, [QBR] कारण तुझ्या आज्ञांवर माझा विश्वास आहे. [QBR]
67. पीडित होण्यापूर्वी मी बहकलो होतो, [QBR] परंतु आता मी तुझे वचन पाळीत आहे. [QBR]
68. तू चांगला आहेस आणि तू चांगले करतोस. [QBR] मला तुझे नियम शिकव. [QBR]
69. गर्विष्ठांनी माझ्यावर लबाडीने चिखलफेक केली आहे, [QBR] पण मी तुझे विधी अगदी मनापासून पाळीन. [QBR]
70. त्यांचे हृदय कठीण झाले आहे, [QBR] पण मला तुझ्या नियमशास्त्रात आनंद आहे. [QBR]
71. मी पीडित झाल्यामुळे माझे चांगले झाले; [QBR] त्यामुळे, मी तुझे नियमशास्त्र शिकलो. [QBR]
72. सोने आणि रुपे ह्यांच्या हजारो तुकड्यापेक्षा, [QBR] मला तुझ्या तोंडचे नियमशास्त्र अधिक मोलवान आहेत.
73. {योद} [PS] तुझ्या हातांनी मला निर्माण केले आणि आकार दिला; [QBR] मला बुद्धी दे म्हणजे मी तुझ्या आज्ञा शिकेन. [QBR]
74. तुझा सन्मान करणारे मला पाहून हर्ष करतील, [QBR] कारण मला तुझ्या वचनात आशा सापडली आहे. [QBR]
75. हे परमेश्वरा, तुझे निर्णय न्यायानुसार आहेत हे मला माहित आहेत, [QBR] आणि तुझ्या सत्यतेने मला पीडिले आहे. [QBR]
76. तू आपल्या सेवकाला दिलेल्या वचनानुसार, [QBR] आपल्या कराराच्या विश्वसनीयतेने सांत्वन कर. [QBR]
77. मला कळवळा दाखव यासाठी की, मी जिवंत राहीन, [QBR] कारण तुझे नियमशास्त्र माझा आनंद आहे. [QBR]
78. गर्विष्ठ लज्जित होवोत, [QBR] कारण त्यांनी माझी निंदानालस्ती केली आहे; [QBR] पण मी तुझ्या विधींचे मनन करीन; [QBR]
79. तुझा सन्मान करणारे माझ्याकडे वळोत, [QBR] म्हणजे त्यांना तुझे निर्बंध कळतील. [QBR]
80. मी लज्जित होऊ नये याकरिता माझे हृदय आदराने, [QBR] तुझ्या निर्दोष नियमाकडे लागू दे.
81. {काफ} [PS] मी तुझ्या विजयासाठी उत्कंठा धरतो; [QBR] मी तुझ्या वचनावर आशा ठेवली आहे. [QBR]
82. माझे डोळे तुझे वचन पाहण्यास आसुसले आहेत; [QBR] तू माझे सांत्वन कधी करशील? [QBR]
83. कारण मी धुरात ठेविलेल्या बुधलीसारखा झालो आहे; [QBR] तरी मी तुझे नियम विसरलो नाही. [QBR]
84. तुझ्या सेवकाचे किती वेळ वाट पाहावी लागणार आहे? [QBR] जे माझा छळ करतात. त्यांचा न्याय तू कधी करशील? [QBR]
85. गार्विष्ठांनी माझ्यासाठी खाचा खणून ठेविल्या आहेत, [QBR] तुझे नियमशास्त्र झुगारले आहे. [QBR]
86. तुझ्या सर्व आज्ञा विश्वसनीय आहेत; [QBR] ते लोक माझा छळ अनुचितपणे करत आहेत; मला मदत कर. [QBR]
87. त्यांनी पृथ्वीवरून माझा जवळजवळ सर्वनाश केला; [QBR] पण मी तुझे विधी नाकारले नाहीत. [QBR]
88. तुझ्या कराराच्या विश्वसनीयतेने वचन दिल्याप्रमाणे मला नवजीवन दे, [QBR] याकरिता की, मी तुझ्या तोंडचे निर्बंध पाळीन.
89. {लामेद} [PS] हे परमेश्वरा, तुझे वचन स्वर्गात सर्वकाळ स्थिर आहे; [QBR] तुझे वचन स्वर्गात ठामपणे प्रस्थापित आहे. [QBR]
90. तुझी सत्यता सदासर्वदा सर्व पिढ्यानपिढ्यासाठी आहे; [QBR] तू पृथ्वीची स्थापना केलीस आणि म्हणून ती टिकून राहते. [QBR]
91. त्या सर्व गोष्टी आजपर्यंत, तुझ्या निर्णयात म्हटल्याप्रमाणे राहिली आहेत, [QBR] कारण सर्व गोष्टी तुझी सेवा करतात. [QBR]
92. जर तुझे नियमशास्त्र माझा आनंद नसता, [QBR] तर माझ्या दुःखात माझा नाश झाला असता. [QBR]
93. मी तुझे निर्बंध कधीच विसरणार नाही, [QBR] कारण त्याद्वारे तू मला सजीव ठेवले आहे. [QBR]
94. मी तुझाच आहे; माझा उध्दार कर. [QBR] कारण मी तुझे निर्बंध शोधले आहेत. [QBR]
95. दुष्टांनी माझा नाश करायची तयारी केली आहे, [QBR] पण मी तुझ्या कराराच्या निर्बंधाचा शोध घेईन. [QBR]
96. प्रत्येकगोष्टीला त्याची मर्यादा असते हे मी पाहिले आहे, [QBR] पण तुझ्या आज्ञा व्यापक, मर्यादे पलीकडे आहेत.
97. {मेम} [PS] अहाहा, तुझे नियमशास्त्र मला किती प्रिय आहेत! [QBR] दिवसभर मी त्याच्यावर मनन करतो. [QBR]
98. तुझ्या आज्ञा मला माझ्या शत्रूंपेक्षा ज्ञानी करतात, [QBR] कारण तुझे नियम नेहमी माझ्याजवळ आहेत. [QBR]
99. माझ्या सर्व शिक्षकांपेक्षा मला अधिक बुद्धी आहे. [QBR] कारण मी तुझ्या कराराच्या निर्बंधाचे मनन करतो. [QBR]
100. वयोवृध्दापेक्षा मला अधिक कळते; [QBR] कारण मी तुझे विधी पाळतो. [QBR]
101. तुझे वचन पाळावे म्हणून मी आपले पाऊल प्रत्येक वाईट मार्गापासून दूर ठेवतो. [QBR] या करता, मी तुझे वचन पाळावे. [QBR]
102. मी तुझ्या निर्णयापासून दुसऱ्याबाजूला वळलो नाही, [QBR] कारण तू मला शिकविले आहे. [QBR]
103. तुझे वचन माझ्या चवीला कितीतरी गोड आहेत, [QBR] होय माझ्या मुखाला मधापेक्षा गोड आहेत. [QBR]
104. तुझ्या विधींच्याद्वारे मला बुद्धी प्राप्त होते; [QBR] यास्तव मी प्रत्येक खोट्या मार्गाचा द्वेष करतो.
105. {नून} [PS] तुझे वचन माझ्या पावलाकरता दिवा आहे, [QBR] आणि माझ्या मार्गासाठी प्रकाश आहे. [QBR]
106. तुझे निर्णय पाळण्याची मी शपथ वाहिली आहे, [QBR] व ती पक्की केली आहे. [QBR]
107. मी फार पीडित आहे; [QBR] हे परमेश्वरा तुझ्या वचनात वचन दिल्याप्रमाणे मला जिवीत ठेव. [QBR]
108. हे परमेश्वरा, माझ्या मुखातील वचने ही स्वसंतोषाची अर्पणे समजून स्वीकार कर, [QBR] आणि मला तुझे निर्णय शिकव. [QBR]
109. माझे जीवन नेहमीच धोक्यात असते, [QBR] तरी मी तुझे नियमशास्त्र विसरलो नाही. [QBR]
110. दुष्टांनी माझ्यासाठी पाश रचला आहे, [QBR] पण मी तुझ्या विधीपासून भरकटलो नाही. [QBR]
111. तुझे निर्बंध माझे सर्वकाळचे वतन म्हणून मी स्वीकारले आहे, [QBR] कारण त्याच्या योगे माझ्या मनाला आनंद होतो. [QBR]
112. तुझे नियम सर्वकाळ शेवटपर्यंत पाळण्याकडे [QBR] मी आपले मन लाविले आहे.
113. {सामेख} [PS] परमेश्वरा, जे लोक तुझ्याशी पूर्णपणे प्रामाणिक नाहीत त्या लोकांचा मी तिरस्कार करतो, पण मला तुझी शिकवण आवडते. [QBR]
114. मला लपव आणि माझे रक्षण कर. परमेश्वरा, तू जे काही सांगतोस त्यावर माझा विश्वास आहे. [QBR]
115. वाईट करणाऱ्यांनो माझ्यापासून दूर जा, [QBR] यासाठी की, मी आपल्या देवाच्या आज्ञा पाळीन. [QBR]
116. तू आपल्या वचनानुसार मला आधार दे म्हणजे मी जगेन, [QBR] आणि माझ्या आशा लज्जित होऊ देऊ नकोस. [QBR]
117. मला आधार दे म्हणजे मी सुरक्षित राहीन; [QBR] मी नेहमीच तुझ्या नियमांवर मनन करीन. [QBR]
118. तुझ्या नियमापासून बहकले आहेत त्यांना तू नाकारतोस, [QBR] कारण हे लोक फसवणारे आणि अविश्वसनीय आहेत. [QBR]
119. पृथ्वीवरील सर्व दुष्टांना तू गाळाप्रमाणे दूर करतो; [QBR] म्हणून मी तुझ्या विधीवत करारावर प्रेम करतो. [QBR]
120. तुझ्या भितीने माझे शरीर थरथरते, [QBR] आणि तुझ्या न्याय्य निर्णयाची भिती वाटते.
121. {ऐन} [PS] मी जे योग्य आहे आणि चांगले आहे तेच करतो; [QBR] माझा छळ करणाऱ्याकडे मला सोडून देऊ नको. [QBR]
122. तू आपल्या सेवकाच्या कल्याणार्थ जामीन हो. [QBR] गर्विष्ठांना मला जाचू देऊ नकोस. [QBR]
123. तू सिद्ध केलेल्या तारणाची [QBR] व तुझ्या न्याय्य वचनाची प्रतिक्षा करून माझे डोळे थकले आहेत. [QBR]
124. तुझ्या सेवकाला कराराची विश्वसनियता दाखव [QBR] आणि मला तुझे नियम शिकव. [QBR]
125. मी तुझा सेवक आहे, [QBR] मला तुझ्या कराराच्या निर्बंधाचे ज्ञान व्हावे म्हणून मला बुद्धी दे. [QBR]
126. ही वेळ परमेश्वराच्या कार्याची आहे, [QBR] कारण लोकांनी तुझे नियमशास्त्र मोडले आहे. [QBR]
127. खरोखर मी तुझ्या आज्ञा सोन्यापेक्षा, [QBR] बावनकशी सोन्यापेक्षा प्रिय मानतो. [QBR]
128. यास्तव मी काळजी पूर्वक तुझे सर्व विधी पाळतो, [QBR] आणि प्रत्येक असत्य मार्गाचा द्वेष करतो.
129. {पे} [PS] तुझे कराराचे निर्बंध आश्चर्यकारक आहेत; [QBR] म्हणूनच मी ते पाळतो. [QBR]
130. तुझ्या वचनाच्या उलगड्याने प्रकाश प्राप्त होतो; [QBR] त्याने अशिक्षितास ज्ञान प्राप्त होते. [QBR]
131. मी आपले तोंड उघडले आणि धापा टाकल्या, [QBR] कारण मी तुझ्या आज्ञेची उत्कंठा धरली. [QBR]
132. तू माझ्याकडे वळ आणि माझ्यावर दया कर, [QBR] जशी तुझ्या नावावर प्रीती करणाऱ्यावर तू दया करतोस. [QBR]
133. तुझ्या वचनाप्रमाणे मला मार्गदर्शन कर; [QBR] माझ्यावर कोणत्याही पापाची सत्ता चालू देऊ नको. [QBR]
134. मनुष्याच्या जाचजुलमापासून मला मुक्त कर [QBR] याकरिता की, मी तुझे विधी पाळीन. [QBR]
135. तू आपला मुखप्रकाश आपल्या सेवकावर पाड, [QBR] आणि तुझे नियम मला शिकव.
136. {त्सादे} [PS] माझ्या डोळ्यातून अश्रूंचे प्रवाह खाली वाहतात; [QBR] कारण लोक तुझे नियमशास्त्र पाळत नाहीत. [QBR]
137. हे परमेश्वरा, तू न्यायी आहेस, [QBR] आणि तुझे निर्णय योग्य आहेत. [QBR]
138. तू आपले निर्बंध न्याय्य व पूर्ण विश्वसनीय [QBR] असे लावून दिले आहेत. [QBR]
139. रागाने माझा नाश केला आहे, [QBR] कारण माझे शत्रू तुझे वचन विसरले आहेत. [QBR]
140. तुझ्या वचनाची खूपच पारख झाली आहे, [QBR] आणि ते तुझ्या सेवकाला प्रिय आहे. [QBR]
141. मी उपेक्षणीय आणि तुच्छ मानलेला आहे, [QBR] तरी मी तुझे विधी विसरत नाही. [QBR]
142. तुझे न्याय्यत्व हे सर्वकाळ योग्य आहे, [QBR] आणि नियमशास्त्र सत्य आहे. [QBR]
143. मला खूप संकट आणि क्लेशांनी घेरिले आहे, तरी तुझ्या आज्ञांत मला आनंद आहे. [QBR]
144. तुझ्या कराराचे निर्बंध सर्वकाळ न्याय्य आहेत; [QBR] मला बुद्धी दे म्हणजे मी जगेन.
145. {कोफ} [PS] मी संपूर्ण मनापासून तुला हाक मारतो, हे परमेश्वरा, मला उत्तर दे, [QBR] मी तुझे नियम पाळीन. [QBR]
146. मी तुला हाक मारतो; तू मला तार [QBR] आणि मी तुझे कराराचे नियम पाळीन. [QBR]
147. मी उजडण्यापूर्वी पहाटेस उठतो आणि मदतीसाठी आरोळी मारतो. [QBR] तुझ्या वचनात माझी आशा आहे. [QBR]
148. तुझ्या वचनावर चिंतन करण्यासाठी [QBR] रात्रीच्या प्रत्येक प्रहरापूर्वी माझे डोळे उघडे असतात. [QBR]
149. तुझ्या कराराच्या विश्वसनीयतेने माझी वाणी ऐक; [QBR] हे परमेश्वरा, तू आपल्या निर्णयानुसार मला जिवंत ठेव. [QBR]
150. जे माझा छळ करतात ते माझ्याजवळ येत आहेत, [QBR] पण ते तुझ्या नियमशास्रापासून फार दूर आहेत. [QBR]
151. हे परमेश्वरा, तू जवळ आहेस [QBR] आणि तुझ्या सर्व आज्ञा सत्य आहेत. [QBR]
152. तुझ्या कराराच्या निर्बंधावरून मला पूर्वीपासून माहित आहे की, [QBR] ते तू सर्वकाळासाठी स्थापिले आहेत.
153. {रेश} [PS] माझे दु:ख पाहा आणि मला मदत कर, [QBR] कारण मी तुझे नियमशास्त्र विसरलो नाही. [QBR]
154. तू माझा वाद चालव आणि माझा उद्धार कर. [QBR] तू आपल्या वचनाप्रमाणे मला नवजीवन दे. [QBR]
155. दुष्टपासून तारण फार दूर आहे, [QBR] कारण त्यांना तुझे नियम प्रिय नाहीत. [QBR]
156. हे परमेश्वरा, तुझी करुणा थोर आहे, [QBR] तू आपल्या निर्णयास अनुसरुन मला नवजीवन दे. [QBR]
157. मला छळणारे माझे शत्रू पुष्कळ आहेत, [QBR] तरी मी तुझ्या कराराच्या निर्बंधापासून मागे वळलो नाही. [QBR]
158. विश्वासघातक्यांना पाहून मला वीट आला आहे. [QBR] कारण ते तुझे वचन पाळीत नाहीत. [QBR]
159. तुझ्या विधींना मी किती प्रिय मानितो ते पाहा; हे परमेश्वरा, [QBR] तुझ्या वचनाप्रमाणे कराराच्या विश्वसनीयतेने मला जिवंत ठेव. [QBR]
160. तुझ्या वचनाचे मर्म सत्य आहे; [QBR] तुझ्या न्यायीपणाचा प्रत्येक निर्णय सर्वकाळ आहे.
161. {शीन} [PS] अधिपती विनाकारण माझ्या पाठीस लागले आहेत; [QBR] तुझे वचन न पाळल्यामुळे माझे हृदय भितीने कापते. [QBR]
162. ज्याला मोठी लूट सापडली त्याच्यासारखा [QBR] मला तुझ्या वचनाविषयी आनंद होतो. [QBR]
163. मी असत्याचा द्वेष आणि तिरस्कार करतो, [QBR] पण मला तुझे नियमशास्त्र प्रिय आहे. [QBR]
164. मी दिवसातून सात वेळा तुझ्या न्याय्य, [QBR] निर्णयांसाठी तुझी स्तुती करतो. [QBR]
165. तुझ्या नियमशास्त्रावर प्रेम करणाऱ्यास मोठी शांती असते, [QBR] त्यास कसलेच अडखळण नसते. [QBR]
166. हे परमेश्वरा, मी तुझ्या उध्दाराची वाट पाहत आहे [QBR] आणि तुझ्या आज्ञा मी पाळल्या आहेत. [QBR]
167. मी तुझ्या विधीवत आज्ञांप्रमाणे वागलो, [QBR] आणि मला ते अत्यंत प्रिय आहेत. [QBR]
168. मी तुझे निर्बंध आणि तुझे विधीवत आज्ञा पाळल्या आहेत, [QBR] कारण मी जी प्रत्येकगोष्ट केली ते सर्व तुला माहित आहे.
169. {ताव} [PS] हे परमेश्वरा, माझी मदतीसाठीची आरोळी ऐक. [QBR] तू आपल्या वचनाप्रमाणे मला बुद्धी दे. [QBR]
170. माझी विनंती तुझ्यासमोर येवो; [QBR] तू वचन दिल्याप्रमाणे मला मदत कर. [QBR]
171. तू मला आपले नियम शिकवितोस [QBR] म्हणून माझ्या मुखातून स्तुती बाहेर पडो. [QBR]
172. माझी जीभ तुझ्या वचनाची स्तुती गावो; [QBR] कारण तुझ्या सर्व आज्ञा न्याय्य आहेत. [QBR]
173. तुझा हात माझे साहाय्य करण्यास सिद्ध असो, [QBR] कारण तुझे निर्बंध मी निवडले आहेत. [QBR]
174. हे परमेश्वरा, मी तुझ्या तारणाची उत्कंठा धरली आहे [QBR] आणि तुझ्या नियमशास्त्रत मला आनंद आहे. [QBR]
175. माझा जीव वाचो म्हणजे तो तुझी स्तुती करील; [QBR] तुझे निर्णय मला मदत करो. [QBR]
176. मी हरवलेल्या मेंढराप्रमाणे भरकटलो आहे; [QBR] तू आपल्या सेवकाचा शोध कर, [QBR] कारण मी तुझ्या आज्ञा विसरलो नाही. [PE]